ဘရာဇီးအသားကုမ္မဏီတွေဟာ ပုပ်သိုးနေတဲ့အသားတွေကို ထုတ်လုပ်မှုတွေ လုပ်ဆောင်နေတဲ့ စွပ်စွဲချက်တွေထွက်ပေါ်လာပြီးနောက်ပိုင်းမှာ တရုတ်၊ တောင်ကိုရီးယားနိုင်ငံတို့ဟာ ဘရာဇီးနိုင်ငံဆီကနေ အသားတင်သွင်းမှုတွေကို ရပ်ဆိုင်းခဲ့ပါတယ်။ ဘရာဇီးနိုင်ငံက အသားကုမ္မဏီတွေဟာ ပုပ်သိုးနေတဲ့အသားတွေကို ထုတ်လုပ်မှုတွေ လုပ်ဆောင်နေတဲ့ဆိုတဲ့ အရှုပ်အထွေးနဲ့ ပတ်သက်ပြီး တရုတ်နိုင်ငံနဲ့ တောင်ကိုရီယားနိုင်ငံတို့ဟာ ဘရာဇီး နိုင်ငံဆီကနေ အသားတင်သွင်းနေမှုကို ဆိုင်းငံ့လိုက်ပါတယ်။ ဘရာဇီးအသားလုပ်ငန်းက ပြီးခဲ့တဲ့နှစ်မှာ  ၀င်ငွေရရှိစေခဲ့တဲ့ အမေရိကန်ဒေါ်လာ ၁၃.၉ ဘီလီယံရဲ့ သုံးပုံတစ်ပုံဟာ တရုတ်နိုင်ငံက တင်သွင်းဝယ်ယူခဲ့တာဖြစ်ပါတယ်။

ဘရာဇီးအသားကုမ္မဏီတွေဟာ ပုပ်သိုးနေတဲ့ အသားတွေ အပေါ် စစ်ဆေးမှုမလုပ်အောင် ကျန်းမာရေးအရာရှိတွေကို လာဘ်ငွေပေးခဲ့တယ်လို့ ဘရာဇီးရဲတွေက စွပ်စွဲထားပါတယ်။ တောင်ကိုရီယား စိုက်ပျိုးရေးဝန်ကြီး ဌာနကလည်း ဘရာဇီးနိုင်ငံကတင်သွင်းတဲ့ ကြက်သားတွေကို တင်းတင်းကြပ်ကြပ် စစ်ဆေးသွားမှာဖြစ်ပြီး ဘရာဇီးနိုင်ငံကတင်သွင်းတဲ့ ကြက်သား ရောင်းချမှုတွေကို ယာယီပိတ်ပင်သွားမှာဖြစ်တယ်လို့ ပြောပါတယ်။ တောင်ကိုရီယားနိုင်ငံ ဟာ ပြီးခဲ့တဲ့နှစ် ဘရာဇီးနိုင်ငံဆီကနေ တန်ချိန်(တစ်သိန်း)ကျော်တင်သွင်းမှု တွေလုပ်ခဲ့ပါတယ်။ ဘရာဇီးနိုင်ငံ ရဲတွေဟာ ပြီးခဲ့တဲ့ကြာသပတေးနေ့က အသားစိမ်းထုတ်လုပ်တဲ့ ကုမ္မဏီကြီးတွေရဲ့ရုံးကို ၀င်ရောက် ရှာဖွေတာတွေလုပ်ခဲ့ပါတယ်။ ဘရာဇီးအသား ကုမ္မဏီကြီးတွေဟာ စက်ရုံသန့်ရှင်းမှု မရှိတာကို မသိကျိုးကျွံပြုစေဖို့ အစိုးရတာဝန်ရှိသူတွေကို လာဘ်ငွေထိုးခဲ့တယ်လို့ ရဲတွေကပြောပါတယ်။ 

 

 

Related News