တရုတ်နိုင်ငံ၏ ရွှေတွင်းတူးဖော်မှုသမိုင်းတစ်လျှောက်တွင် ခန့်မှန်း ရွှေတန်ချိန် ၃၈၂.၅၈ တန် ထွက်ရှိနိုင်သည့် အကြီးဆုံး ရွှေတွင်းကြီးတစ်ခုကို တရုတ်အရှေ့ပိုင်း ရှန်ဒေါင်းပြည်နယ်ရှိ ဆီလင်းဒေသတွင် ရှာဖွေတွေ့ရှိခဲ့ကြောင်းသိရသည်။ ဆိုပါ ရွှေတွင်းကြီးမှ အမေရိကန်ဒေါ်လာ သန်းထောင်ပေါင်း ၂၂ သန်း တန်ဘိုးရှိနိုင်မည့် ရွှေများထွက်ရှိနိုင်မည်ဟု ခန့်မှန်းထား ကြောင်း ရှန်ဒေါင်း ရွှေတူးဖော်ရေးလုပ်ငန်းက မတ်လ ၂၈ ရက်၌ ဘေကျင်းတွင်ပြုလုပ်သည့် သတင်းစာရှင်းလင်းပွဲ၌ ပြောကြားခဲ့သည်ဟု သိရသည်။

 အဆိုပါရွှေတွင်းကြီးသည် တရုတ်နိုင်ငံတွင် တွေ့ရှိခဲ့ဖူး သမျှရွှေတွင်းများအနက် အကြီးဆုံးရွှေတွင်းဖြစ်နိုင်မည်ဟု ယုံကြည်ရကြောင်းလည်း သတင်းထုတ်ပြန်ခဲ့သည်ဟု သိရသည်။ တရုတ်သတင်းဌာန များ၏ ဖော်ပြချက်အရ အဆိုပါရွှေတွင်းကြီး၏ ရွှေကြောကြီးသည် ၁.၂ မိုင်ရှည်လျားပြီး အကျယ်အားဖြင့် ၀.၀၄ မိုင် ရှိပြီး ယင်းရွှေတွင်းကြီးမှ ရွှေများကို နှစ်ပေါင်း ၄၀ ကြာ ထုတ်ယူနိုင်မည်ဟုလည်း သိရသည်။

၂၀၁၅ ခုနှစ်တွင်လည်း အရှေ့တရုတ်ပင်လယ်ကြမ်းပြင်အောက်တွင် ရွှေတွင်းတစ်တွင်း ရှာဖွေတွေ့ရှိခဲ့ကြောင်း တရုတ်နိုင်ငံမှ ပြောကြား ခဲ့ဖူးပြီး ၎င်းရွှေတွင်းမှ ရွှေတန်ချိန် ၄၇၀ ရှိနိုင်ကြောင်း သတင်းများထွက်ပေါ်ခဲ့ရာ ယခုတွေ့ရှိခဲ့သည့်  ရွှေတွင်းထက်ပင် ပိုမိုကြီးမားသည်ဟု သိရှိရသည်။ တရုတ်နိုင်ငံသည် ကမ္ဘာပေါ်တွင် အမေရိကန်၊ ဂျာမနီ၊ အီတလီနဲ့ ပြင်သစ် နိုင်ငံတို့ပြီးလျှင် ပဥ္မမမြောက် ရွှေသိုလှောင်သိမ်းဆည်းသည့် နိုင်ငံတစ်နိုင်ငံဖြစ်ကြောင်း သိရသည်။ 

Related News