တောင်ကိုရီးယားထိပ်တန်းကားထုတ်လုပ်ရေးလုပ်ငန်းကြီးနှစ်ခုဖြစ်သည့် Hyundai နှင့် Kia တို့သည် ကိုရီးယားဆန့်ကျင်ရေးစိတ်ဓာတ်နိုးကြားလာခြင်းနှင့် တရုတ်မော်တော်ကားထုတ်လုပ်ရေးလုပ်ငန်းများ၏ ယှဉ်ပြိုင် မှုများတိုးမြင့်လာခြင်းတို့ကြောင့် ၄င်းတို့၏ တရုတ်နိုင်ငံတွင်းကားထုတ်လုပ်မှုလုပ်ငန်းများကိုသိသိသာသာလျှော့ချလိုက်ပြီဟုသိရှိရသည်။ အဆိုပါကုမ္ပဏီကြီးနှစ်ခု၏ တရုတ်နိုင်ငံတွင်းစုစုပေါင်းကားရောင်းချမှုပမာဏမှာယခင်နှစ်နှင့် နှိုင်းယှဉ်ပါ က ယခုနှစ် မတ်လ၌ (၅၂) ရာခိုင်နှုန်းအထိ ကျဆင်းသွားခဲ့ကြောင်း သိရှိရသည်။

Hyundai နှင့် Kia တို့သည် ကမ္ဘာပေါ် တွင် အကြီးဆုံးမော်တော်ကားဈေးကွက်ဖြစ်သည့် တရုတ်နိုင်ငံ၌ ၂၀၁၆ ခုနှစ်အတွင်းရောင်းခဲ့သည့်ကားအရေအတွက် စုစုပေါင်းအရေအတွက်၏ ၄ ပုံ ၁ ပုံကျော်အား ဖြန့်ချိခဲ့သည်။ သို့သော်လည်းတောင်ကိုရီးယားနိုင်ငံတွင် အမေရိကန်၏ ဒုံးကျည်ကာကွယ်ရေးစနစ် (THAAD) ဖြန့်ကျက်ရန်အစီအစဉ်အားတရုတ်နိုင်ငံဘက်က ပြင်းထန်စွာကန့်ကွက်ခဲ့ပြီးလက်ရှိတွင်လည်းကိုရီးယားဆန့်ကျင်ရေးစိတ်ဓာတ်များအထူးနိုးကြားလျက်ရှိကြောင်း၊ တရုတ်နိုင်ငံတွင် တောင်ကိုရီးယားနိုင်ငံထုတ် ကုန်ပစ္စည်းများအားဆန့်ကျင်သပိတ်မှောက်ရန် လှုံ့ဆော်မှုများပင်ရှိလာကြောင်းသိရှိရသည်။

 

Related News