နယ်သာလန်နိုင်ငံအနေနဲ့လည်းမြန်မာနိုင်ငံမှာစိုက်ပျိုးရေးလုပ်ငန်းတွေ၊ ဘဏ်လုပ်ငန်းတွေနဲ့ အင်ဂျင်နီယာ လုပ်ငန်းတွေအပြင်အခြားလုပ်ငန်းတွေမှာလည်း ရင်းနှီးမြှုပ်နှံဖို့ ရှိနေတယ်လို့ ရန်ကုန်မြို့ကုန်သည်စက်မှုအသင်းချုပ်ရုံးမှာဇွန်လ(၈)ရက်ကပြုလုပ်တဲ့မြန်မာ နယ်သာလန်စီးပွားရေး တွေ့ဆုံပွဲမှ သိရပါတယ်။ နိုင်ငံတော်အစိုးရအနေနဲ့ နိုင်ငံခြားရင်းနှီးမြှုပ်နှံမှု တွေအတွက် အားထုတ်ကြိုးပမ်းနေခဲ့တဲ့အတွက်လက်ရှိမှာ နိုင်ငံခြားကုမ္ပဏီတွေအနေနဲ့ မြန်မာနိုင်ငံမှာရင်းနှီးမြှုပ်နှံဖို့ ပိုပြီးစိတ်ဝင်စားနေကြတာဖြစ်တယ်လို့ မြန်မာနိုင်ငံဆိုင်ရာနယ်သာလန် သံအမတ်ကြီးကပြောပါတယ်။နယ်သာလန်နိုင်ငံအနေနဲ့ လက်ရှိမှာမြန်မာနိုင်ငံကိုအီလက်ထရောနစ် ပစ်္စည်းတွေ၊ စားသောက်ကုန်ပစ္စည်းတွေနဲ့ လူသုံးကုန်ပစ္စည်းတွေကိုအဓိကတင်သွင်းနေပြီး မြန်မာနိုင်ငံမှ စိုက်ပျိုးရေး ထွက်ကုန်ပစ်္စည်းတွေနဲ့ အထည်ချုပ်လုပ်ငန်းနဲ့ပတ်သက်တာတွေကိုအဓိကတင်ပို့နေတယ်လို့ သိရပါတယ်။

ပြည်တွင်းကို နိုင်ငံခြားရင်းနှီးမြှုပ်နှံမှုတွေ ပိုပြီးဝင်ရောက်လာဖို့ရှိတဲ့အတွက်ပြည်တွင်းကလုပ်ငန်းရှင်တွေအနေနဲ့ မိမိတို့လုပ်ငန်းတွေမှာအရင်ထက်ပိုပြီး ပြင်ဆင်မှုတွေ ပြုလုပ်သင့်သလို မိမိလုပ်ငန်းနဲ့ ပက်သတ်တဲ့ နည်းပညာကိုလည်း အမြဲစောင့်ကြည့်နေသင့်တယ်လို့  မြန်မာနိုင်ငံကုန်သည်များနှင့်စက်မှုလက်မှုလုပ်ငန်းရှင်များအသင်းချုပ်မှ ဒုတိယဥက္ကဌ ဒေါက်တာမောင်မောင်လေးက ပြောပါတယ်။ပြီးခဲ့တဲ့(၂၀၁၆-၂၀၁၇)ဘဏ္ဍာနှစ်မှာ မြန်မာနိုင်ငံနဲ့နယ်သာလန်နိုင်ငံတို့ရဲ့ ကုန်သွယ်မှု တန်ဖိုးဟာ အမေရိကန် ဒေါ်လာသန်း(၁၄၀)ကျော်ရှိခဲ့ပြီး မြန်မာနိုင်ငံအနေနဲ့ ဥရောပသမဂ္ဂအဖွဲ့ ၀င်နိုင်ငံတွေနဲ့ ကုန်သွယ်မှုတန်ဖိုးကတော့ အမေရိကန်ဒေါ်လာသန်း(၁၄၀၀)ကျော် ရှိတယ်လို့ စီးပွားရေးနှင့်ကူသန်းရောင်းဝယ်ရေးဝန်ကြီးဌာနရဲ့ စာရင်းတွေအရသိရပါတယ်။

 

 

Related News