၂၀၁၆ မတ်လ(၂၂)ရက်က မီးလောင်ကျွမ်းခဲ့တဲ့ မန္တလေးမြို့တော်စည်ပင်သာယာရေး ကော်မတီပိုင် မင်္ဂလာဈေးကြီးကို ဈေးသစ်တည်ဆောက်ဖို့အတွက် ဖျက်သိမ်းမှုများကို စတင်ဆောင်ရွက် နေပြီဖြစ်ပါတယ်။ မန္တလေးမြို့ ချမ်းအေးသာစံမြို့နယ်ရှိ မန္တလေး မြို့တော်စည်ပင်သာယာရေး ကော်မတီပိုင် မင်္ဂလာဈေးကြီးဟာ  ၂၀၁၆ ခုနှစ် မတ်လ ၂၂ ရက်က မီးလောင်ကျွမ်းခဲ့ပါတယ်။ အဲ့ဒီဈေးမှာ ဈေးရောင်းချတဲ့ ဈေးသူဈေးသားတွေအတွက်  မန္တလေးမြို့ မဟာအောင်မြေမြို့နယ် စင်္ကြာနွယ်စဉ် ဘောလုံးကွင်းမှာ  ယာယီဈေးကို ဆောက်လုပ်ပေးခဲ့ပါတယ်။ 

 မီးလောင်ကျွမ်းခဲ့တဲ့ မင်္ဂလာဈေးကြီးကို ဈေးသစ်တည်ဆောက်ဖို့ အတွက် ဖျက်သိမ်းရေး လုပ်ငန်းတွေ လုပ်ဆောင်ဖို့ တင်ဒါခေါ်ယူခြင်းကို ၂၀၁၆ သြဂုတ်လ က ပထမအကြိ်မ် ဆောင်ရွက်ခဲ့ပြီး သတ်မှတ်ထားတဲ့ တင်ဒါဈေးနှုန်းမရတဲ့အတွက် ပထမအကြိမ် တင်ဒါခေါ်ယူခြင်းကို ဖျက်သိမ်းခဲ့တယ်လို့ သိရပြီး  ဒုတိယအကြိမ် တင်ဒါကို ၂၀၁၇ ခုနှစ် မေလ ၂၃ ရက်က ခေါ်ယူခဲ့ကာ  ငွေကျပ် သိန်းပေါင်း ၂၅၂၀ နဲ့ တင်ဒါအောင်မြင်ခဲ့တယ်လို့ သိရပါတယ်။

မီးလောင်ကျွမ်းခဲ့တဲ့ မင်္ဂလာဈေးကြီး ဖျက်သိမ်းမှုကို ဇွန်လ(၂၃)ရက်က စတင်ဆောင်ရွက်ခဲ့တာနဲ့ပတ်သက်ပြီး မန္တလေးမြို့တော် စည်ပင်သာယာရေးကော်မတီ အဆောက်အအုံနှင့်ကုန်ရုံဌာနဌာနခွဲမှူး ဦးခင်မောင်ညွှန့်က ခုလိုပြောပါတယ်။  မင်္ဂလာဈေးဖျက်သိမ်းမှု ကာလကို ၅ လ သတ်မှတ်ထားပြီး  ဖျက်သိမ်းမှု တင်ဒါအောင်မြင်တဲ့  အဖွဲ့မှ အကြောင်းအမျိုးမျိုးကြောင့် အခက်အခဲရှိလာပါက ထိုအခက်အခတွေကို အဆင့်ဆင့်တင်ပြပြီး ဆောင်ရွက်ပေးသွားမှာဖြစ်ကြောင်း၊ ဈေးကြီးဖျက်သိမ်းပြီးပါက ထိုနေရာတွင် နိုင်ငံတကာ အဆင့်မှီ ဈေးသစ်ကြီးတစ်ခုကို မန္တလေးမြို့တော်စည်ပင်သာယာရေး ကော်မတီက ပြန်လည် တည်ဆောက် ပေးသွားမှာဖြစ်ကြောင်း၊ ပြန်လည်တည်ဆောက်တဲ့အခါ နိုင်ငံတကာအဆင့်မှီ ခေတ်မှီဈေးသစ်ကြီး အတွက် ဒီဇိုင်းပြိုင်ပွဲများလည်း ယှဉ်ပြိုင်သွားမှာ ဖြစ်တယ်လို့ သိရပါတယ်။

 

 

Related News