ထိုင်းနိုင်ငံမှာ(၂၀၁၇)ခုနှစ်အတွင်း ဆန်တင်ပို့မှုတန်ချိန်(၁၁)သန်းခွဲနီးပါးရှိခဲ့ပြီး ပြီးခဲ့တဲ့(၂၀၁၆)ခုနှစ်ကထက် ဆန်တင်ပို့မှုမြင့် တက်ခဲ့ပါတယ်။ ဆန်တင်ပို့မှုကနေ နိုင်ငံအတွက် ဘဏ္ဍာငွေအမေရိကန်ဒေါ်လာသန်း(၅၀၀၀)ကျော်ရရှိခဲ့တယ်လို့ ထိုင်းစီးပွားကူး သန်းဝန်ကြီးဌာန၊ နိုင်ငံတကာကုန်သွယ်ရေးဌာနရဲ့ညွှန်ကြားရေးမှူးအဒူလ် ချိုတီနီဆာခွန်က ဇန်န၀ါရီလ(၁၀)ရက်မှာ ကြေညာခဲ့ ပါတယ်။ (၂၀၁၇)ခုနှစ်အတွင်း ထိုင်းနိုင်ငံရဲ့ဆန်တင်ပို့မှုဟာ (၂၀၁၇)ခုနှစ်ကထက် (၁၅)ရာခိုင်နှုန်းကျော်ပိုမြင့်တက်လာခဲ့တယ်လို့ အဒူလ်ကပြောပါတယ်။
 
ထိုင်းနိုင်ငံတွင်း ဆန်အထွက်နှုန်းကျဆင်းနေတာကြောင့် အခု(၂၀၁၈)ခုနှစ်မှာတော့ ဆန်တင် ပို့မှုတန်ချိန်(၉)သန်းခွဲ လောက်သာ ရှိနိုင်တယ်လို့ ထိုင်းနိုင်ငံတကာကုန်သွယ်ရေးဌာနက ခန့်မှန်းထားပါတယ်။ အီရန်၊ အီရတ်နဲ့ အင်ဒိုနီးရှားတို့အပါအ၀င် နိုင်ငံအများအပြားက အစိုးရအဖွဲ့တွေနဲ့ အစိုးရချင်းချိတ်ဆက်ပြီး ဆန်တင်ပို့နိုင်ဖို့ ထိုင်းအစိုးရဘက်က တိုးချဲ့လုပ်ဆောင်သွားမှာဖြစ်တယ်ဆိုပြီး အဒူလ်ကပြောပါတယ်။ ထိုင်းဆန်တွေ ဈေးကွက်အသစ်ရှာနိုင်ရေးအတွက် ဈေးကွက်မြှင့်တင်ရေးလုပ်ဆောင်ဖို့ တိုက်တွန်းသွား မယ်ဆိုပြီး ထိုင်းအစိုးရဘက်က ပြောထားပါတယ်။ 
 
 
 
 

Related News