အမေရိကန်နဲ့တရုတ်နိုင်ငံတို့ရဲ့ကုန်သွယ်ရေးကန့်သတ်မှုတွေက ကမ္ဘာ့ပုံမှန်ဖွံ့ဖြိုးမှုကို ထိခိုက်စေနိုင်ပြီး ထိခိုက်မှုတွေမဖြစ်စေရေးအတွက် ကမ္ဘာ့စီးပွားရေးအင်အားကြီးနိုင်ငံ(၂)နိုင်ငံမှာ နောက်ဆုတ်ဖို့အချိန်ရသေးတယ်လို့ နိုင်ငံတကာငွေကြေးရန်ပုံငွေအဖွဲ့ (IMF)က ဧပြီလ(၁၇)ရက်မှာ သတိပေးခဲ့ပါတယ်။ (IMF) ကထုတ်ပြန်တဲ့ (၂၀၁၈)ကမ္ဘာ့စီးပွားရေးမျှော်မှန်းချက်အစီရင်ခံစာမှာသတိပေးခဲ့တာပါ။

(၂၀၁၈)နဲ့(၂၀၁၉)ခုနှစ်တို့မှာ ကမ္ဘာ့ဖွံ့ဖြိုးမှုက (၃.၉)ရာခိုင်နှုန်းမှာရှိနေမယ်လို့ (IMF)ကခန့်မှန်းပါတယ်။ ကုန်သွယ်မှုတင်းကြပ်တာနဲ့ တုံ့ပြန်တာတွေက ဖွံ့ဖြိုးလာစေဖို့ယုံကြည်ချက်တွေကို ပျက်စီးစေပြီး ဖွံ့ဖြိုးမှုကိုအချိန်မတိုင်မီပျက်စီးစေတယ်လို့ (IMF)စီးပွားရေးပညာရှင်ချုပ်မောရစ်စ် အော့ဘ်စတတ်ဖဲလ်ဒ်က ပြောပါတယ်။ အခွန်တိုးကောက်မယ့်အစီအစဉ်တွေနဲ့ ပတ်သက်လို့ အမေရိကန်နဲ့တရုတ်နိုင်ငံတို့က တစ်ဖက်နဲ့တစ်ဖက်သတိပေးထားပေမဲ့ အဲဒီအစီအစဉ်တွေကို မစတင်သေးဘူးလို့ အော့ဘ်စတတ်ဖဲလ်ဒ်က ပြောပါတယ်။

အမေရိကန်နိုင်ငံမှာ ၀င်ငွေထက် ထွက်ငွေများနေတာကြောင့် အမေရိကန်အစိုးရကုန်သွယ် ရေးရှေ့ဆောင်တွေအနေနဲ့ သွင်းကုန်များနေတာကို လျှော့ချနိုင်အောင်လုပ်သင့်တယ်လို့ (IMF) က ပြောပါတယ်။ အခု(၂၀၁၈)ခုနှစ်နဲ့ လာမယ့်(၂၀၁၉)ခုနှစ်တို့မှာ အမေရိကန်နိုင်ငံရဲ့ဖွံဖြိုးမှုနှုန်းက (၂.၉)ရာခိုင်နှုန်းနဲ့ (၂.၇)ရာခိုင်နှုန်းတက်လာနိုင်မယ်လို့လည်း ခန့်မှန်းထားပါတယ်။ 

 

 

 

 

Related News