လူသုံးကုန်ပစ္စည်းတွေရဲ့တန်ဖိုးမြင့်တက်လာတဲ့အတွက် ထိုင်းနိုင်ငံရဲ့ငွေကြေးဖောင်းပွစုစုပေါင်းက ဧပြီလမှာ(၁.၀၇)ရာခိုင်နှုန်း မြင့်တက်ခဲ့ပါတယ်။ ငွေကြေးဖေါင်းပွမှုစုစုပေါင်းက ပြီးခဲ့တဲ့(၁၄)လအတွင်း  အမြင့်ဆုံးဖြစ်ခဲ့တယ်လို့ ထိုင်းစီးပွားရေးနှင့်ကူးသန်း ရောင်းဝယ်ရေးဝန်ကြီးဌာန၊ ကုန်သွယ်ရေးမူဝါဒနှင့် မဟာဗျူဟာရုံးညွှန်ကြားရေးမှူးချုပ်ပင်ချန်နွတ် ဗွန်ကောပွန်က ပြောပါတယ်။ လစဉ် အစီရင်ခံစာမှာပါဝင်တဲ့ ကုန်ပစ္စည်း(၄၂၂)မျိုးထဲက ဆန်၊ မီးဖိုချောင်သုံးဓာတ်ငွေ့နဲ့ သစ်သီးဝလံတွေအပါအ၀င် ပစ္စည်း (၂၃၉)မျိုးက ဈေးတက်လာခဲ့တယ်လို့ ဗွန်ကောပွန်ကပြောပါတယ်။

ငွေကြေးဖောင်းပွမှုက ပြီးခဲ့တဲ့မတ်လကထက် (၀.၇၉)ရာခိုင် နှုန်းမြင့်တက်ခဲ့တာပါ။ (၂၀၁၈)ခုနှစ်ရဲ့ပထမလေးလမှာ ငွေကြေးဖေါင်းပွမှုက (၀.၇၅)ရာခိုင်နှုန်းမြင့်တက်ခဲ့တယ်လို့လည်း သိရပါတယ်။ အခုနှစ်ရဲ့နှစ်စဉ်ငွေကြေးဖောင်းပွမှုနှုန်းက (၀.၇)နဲ့(၁.၇)ရာခိုင်နှုန်းကြားမှာရှိဖို့ ထိုင်းစီးပွားရေးနှင့်ကူးသန်းရောင်းဝယ်ရေး ၀န်ကြီးဌာနကခန့်မှန်းနေပါတယ်။ 

 

 

Related News