မြောက်ကိုရီးယားနိုင်ငံမှာ ရင်းနှီးမြုပ်နံဖို့ အမေရိကန်နိုင်ငံက ပုဂ္ဂလိကကုမ္ပဏီတွေကို လုပ်ကိုင်ခွင့်ပြုတယ်လို့ မေလ(၁၃)ရက်က အမေရိကန်နိုင်ငံခြားရေးဝန်ကြီး မိုက်ပွန်ပီအိုကပြောပါတယ်။မြောက်ကိုရီးယားနျူကလီးယားလက်နက်ကင်းစင်မှုအခြေအနေအပေါ်မူတည်လိမ့်မယ်လို့ ဖော့စ်သတင်းဌာနကမေးမြန်းရာတွင် မိုက်ပွန်ပီအိုကပြောပါတယ်။ အမေရိကန်ရင်းနှီးမြုပ်နံသူတွေက စွမ်းအင်တည်ဆောက်ရာမှာကူညီမှာ ဖြစ်ပါတယ်။ အမေရိကန်သမ္မတဒေါ်နယ်ထရန့်နဲ့ မြောက်ကိုရီးယားခေါင်းဆောင် ကင်ဂျုံအမ်တို့ စင်ကာပူမှာတွေ့ဆုံမယ့် အစည်းအဝေး အကြိုအမေရိကန်နိုင်ငံခြားရေးဝန်ကြီးပွန်ပီအို မြောက်ကိုရီးယားနိုင်ငံကို ပြီးခဲ့တဲ့တစ်ပတ်က တရားဝင်ခရီးစဉ်အပြီးမှာ ထွက်ပေါ်လာတာပါ။

မြောက်ကိုရီးယားစီးပွားရေးပြန်လည်တည်ဆောက်မှုကို  အမေရိကန်ကကူညီဖို့ မေလ(၁၂)ရက်ကကမ်းလှမ်းချက်ကိုကြေညာခဲ့ပါတယ်။ ဒါပေမဲ့ ပွန်ပီအိုက အဆိုပြုချက်အပေါ် အသေးစိတ် ဖော်ပြခြင်းမရှိသေးပါဘူး။ အမေရိကန်က ပုဂ္ဂလိကလုပ်ငန်း တွေအတွက်မြောက်ကိုရီးယားနိုင်ငံမှာ လျှပ်စစ်ဓါတ်အားတည်ဆောက်ရာမှာကူညီမှာဖြစ်ပြီး  မြောက်ကိုရီးယားမှာ ကြီးမားတဲ့လျှပ်စစ်ဓါတ်အားလိုနေသလို စိုက်ပျိုးရေးရင်းနှီး မြုပ်နံတာတွေ လိုတယ်လို့လည်း ပွန်ပီအိုက ပြောပါတယ်။ သမ္မတထရန့် နဲ့ခေါင်းဆောင်ကင်တို့ ဇွန်လ(၁၂)ရက်မှာ တွေ့ဆုံမှာဖြစ်ပါတယ်။

 

 

 

Related News