ကုန်သွယ်ရေးတင်းမာမှုကြောင့် အမေရိကန်မှာ အသေးစားနဲ့စီးပွားရေးလုပ်ငန်းတွေက ထပ်တိုးကုန်ကျစရိတ်တွေကို စားသုံးသူ တွေဆီ လက်လွှဲပေးဖို့ စီစဉ်နေပါတယ်။ ဦးထုပ်၊ အ၀တ်အစားတွေနဲ့ဆက်စပ်ပစ္စည်းတွေကိုရောင်းချတဲ့ ကိုလိုရာဒိုပြည်နယ်အခြေ စိုက်အီလို့ကုမ္ပဏီကလည်း ထိခိုက်ခဲ့တဲ့ကုမ္ပဏီတွေထဲမှာ ပါဝင်ပါတယ်။ မြင့်တက်တဲ့အခွန်နဲ့တိုးလာတဲ့ကုန်ကျစရိတ်တွေဖြစ်လာ စေတဲ့အကြပ်အတည်းကြောင့် လုပ်ငန်းတွေထိခိုက်ခဲ့တယ်လို့ အီလို့ကုမ္ပဏီပိုင်ရှင်ကိတ်သ် ဂျွန်ဆင်ကပြောပါတယ်။ အီလို့ ကုမ္ပဏီထုတ်ကုန်ပစ္စည်း(၁၀၀၀)ကျော်က တရုတ်နိုင်ငံမှာပြုလုပ်ပြီး အခွန်တိုးကောက်မှုကိုဖြေရှင်းဖို့ အီလို့ကုမ္ပဏီရဲ့နည်းလမ်း ကတော့ ဈေးတိုးမြှင့်ဖို့ဖြစ်တယ်လို့လည်း ဂျွန်ဆင်ကပြောပါတယ်။ အမေရိကန်က တရုတ်ကုန်ပစ္စည်းအမေရိကန်ဒေါ်လာ(၂၀၀) ဘီလီယံဖိုးလောက်ကို မေ(၁၀)ရက်ကစပြီး (၁၀)ရာခိုင်နှုန်းကနေ (၂၅)ရာခိုင်နှုန်းထိအခွန်တိုးကောက်လို့ ကုန်ပစ္စည်းတစ်ဝက် ကျော်ကိုဈေးမြှင့်ဖို့ ဂျွန်ဆင်က စီစဉ်နေတာပါ။ အီလို့ကုမ္ပဏီရဲ့တရုတ်စက်ရုံတွေကအလုပ်သမားတွေကလည်း အမှာနည်းလာ တာနဲ့ အမြတ်ငွေနည်းလာတာတွေကိုလည်း စိုးရိမ်နေကြပါတယ်။

 

 

Related News