ဆီးရီးယားနိုင်ရဲ့ အရေးအပါဆုံး အိမ်နီချင်းနိုင်ငံတစ်နိုင်ငံဖြစ်တဲ့ လက်ဘနွန်နိုင်ငံဟာ ဆီးရီးယားအရေးကိစ္စကြောင့် နှစ်အနည်း ငယ်အတွင်း စီးပွားရေးကျဆင်းခဲ့ပါတယ်။(၉)နှစ်ကြာတဲ့ ဖြစ်ပွားခဲ့တဲ့ဆီးရီးယားစစ်ပွဲက ဆီးရီးယားမြို့တွေကိုပျက်စီးစေခဲ့ပြီး လူပေါင်းများစွာကိုအိုးမဲ့အိမ်မဲ့ဖြစ်စေခဲ့ပါတယ်။ ဆီးရီးယားစစ်ပွဲမဖြစ်ပွားခင် (၂၀၁၀)ခုနှစ်မှာလက်ဘနွန်နိုင်ငံစီးပွားရေး(၈)ရာခိုင်နှုန်းတိုးတက်ခဲ့ပြီး  (၂၀၁၁)ခုနှစ်မှာဆီးရီးယား စစ်ပွဲဖြစ်ပြီးနောက် လက်ဘနွန်နိုင်ငံရဲ့စီးပွားရေးတိုးတက်မှုနှုန်းနှေးသွားခဲ့တယ်လို့ စာရင်းအင်းအချက်အလက်တွေအရသိရပါ တယ်။ (၂၀၁၇)ခုနှစ်မှာ လက်ဘနွန်စီးပွားရေး(၀.၆)အထိကျဆင်းခဲ့ပြီး  (၂၀၁၈)ခုနှစ်မှာ (၁)ရာခိုင်နှုန်းဝန်းကျင်ကျဆင်းခဲ့ပါ တယ်။ လက်ဘနွန်နိုင်ငံရဲ့ပြည်သူ့ကြွေးမြီဟာ (၁၅၅)ရာခိုင်နှုန်းလောက်ရှိပြီး ဘဏ္ဍာရေးလိုငွေပြမှုက (၂၀၁၈)ခုနှစ်ကုန်ပိုင်းမှာ စုစုပေါင်းပြည်တွင်းအသားတင်ထုတ်ကုန်(၈.၃)ရာခိုင်နှုန်းရှိနိုင်တယ်ဆိုပြီး ကမ္ဘာ့ဘဏ်ကခန့်မှန်းထားပါတယ်။ လက်ဘနွန်မှာ အလုပ်လက်မဲ့နှုန်း(၂၅)ရာခိုင်နှုန်းမှာရှိနေပါတယ်။ ဆီးရီးယားစစ်ပွဲက ကုန်သွယ်ရေးသော့ချက်နေရာဖြစ်တဲ့ လက်ဘနွန်ကိုဆုံးရှုံး စေခဲ့ပြီး စီးပွားရေးကျဆင်းမှုတိုက်ရိုက်ဖြစ်စေခဲ့တယ်လို့ လက်ဘနွန်စီးပွားရေးကျွမ်းကျင်သူ ဆာမီနန်ဒါက ပြောပါတယ်။ လက်ဘ နွန်ကို ဆီးရီးယားဒုက္ခသည်တွေ အဆက်မပြတ်ဝင်ရောက်လာတာကလည်း လက်ဘနွန်အစိုးရကိုကြီးမားတဲ့ ဖိအားတွေဖြစ်စေ ခဲ့ပါတယ်။ လက်ဘနွန်နိုင်ငံဟာဆီးရီးယားဒုက္ခသည်(၁)သန်းကျော်လက်ခံခဲ့ပြီး ဒုက္ခသည်စခန်းပေါင်း(၂၅၀၀)အထိရှိခဲ့ပါတယ်။

 

 

Related News