ကမ္ဘာကျော် သရုပ်ဆောင် အဆိုတော်လေး ဆယ်လီနာဂိုမက်ဇ်သည် သူမကိုယ်တိုင်လည်း ခံစားနေရသည့် Lupus ရောဂါကုရေးဆိုင်ရာ သုတေသနအတွက် ငွေကြေးအမြောက်အများလှူဒါန်းခဲ့သည်ဟု သိရသည်။ Lupus ရောဂါ၏ အကျိုးဆက်အဖြစ် စိုးရိမ်ကြောင့်ကြမှုနှင့် စိတ်ကျဝေဒနာများခံစားရခြင်းကြောင့် ပြန်လည်ထူထောင်ရေးစခန်းကို သွားရောက်ခဲ့ရသည့် ဆယ်လီနာသည် Southern California တက္ကသိုလ်နှင့် Keck ဆေးတက္ကသိုလ်က ပြုလုပ်မည့် သုတေသနပရောဂျက်အတွက် လှူဒါန်းလိုက်ခြင်းဖြစ်သည်။

Selena Gomez Fund ဟုလူသိများလာမည်ဖြစ်သည့် ယင်းပရောဂျက်သည် စတင်နေပြီဖြစ်ပြီး အသက် ၂၄ နှစ်အရွယ် ဆယ်လီနာသည်  ယင်းပရောဂျက်အတွက် အဓိကကူညီပံ့ပိုးပေးသွားမည်ဖြစ်သည်။ ၎င်းသုတေသနသည် ကမ္ဘာတဝှမ်းရှိ လူသန်းပေါင်းများစွာကို အကျိုးရှိစေနိုင် မည်ဟု မျှော်လင့်ကြောင်း သူမကပြောကြားခဲ့သည်။ ဆယ်လီနာသည် ယမန်နှစ်က အဆိုပါရောဂါ၏ ဘေးထွက်ဆိုးကျိုး ဖြစ်သည့် စိုးရိမ်ပူပန်မှုများနှင့် စိတ်ကျဝေဒနာများ ခံစားခဲ့ရခြင်းကြောင့် သူမ၏ ကမ္ဘာလှည့် ဖျော်ဖြေပွဲကို ပယ်ဖျက်ခဲ့ရပြီး ကျန်းမာရေးပြန်လည်ကောင်းမွန်လာစေရန် အချိန်ယူကုသခဲ့ရသည်။ ထို့ပြင် ယင်းရောဂါကို၂၀၁၃ ခုနှစ်တွင် ဓာတုကုထုံး နှင့် တိတ်တဆိတ် ကုသခဲ့ဖူးကြောင်းလည်း သူမက၀န်ခံခဲ့သည်။

 

 

Related News