မက္ကာမြို့တော်အား ပစ်မှတ်ထား၍ ယီမင်ဟိုသီသူပုန်များက ပစ်လွှတ်လိုက်သော ဒုံးကျည်တစ်ခုကို ဆော်ဒီအာရေ ဗီးယားစစ်တပ်က အောင်မြင်စွာကြားဖြတ် ဖျက်ဆီးနိုင်ခဲ့ကြောင်း ဆော်ဒီပူးပေါင်းတပ်ဖွဲ့က သတင်းထုတ်ပြန်ခဲ့သည်။ မက္ကာသည် အစ္စလာမ်ဘာသာဝင်များ၏ အထွတ်အမြတ်ထားရာနေရာတစ်ခုအဖြစ် ယူဆထားသည့်နေရာတစ်ခုဖြစ် သည်။ မက္ကာမြို့နှင့် မနီးမဝေးရှိ Taif  ဒေသတွင် အခြေစိုက်ထားသော လေကြောင်းကာကွယ်ရေးတပ်များက မူစလင် ဘာသာဝင်တို့၏ အထွတ်အမြတ်ထားရာ မြို့တော်ကို ပစ်ခတ်ဖျက်ဆီးရန်ရည်ရွယ်၍ ယီမင်နိုင်ငံ ဟိုသီသူပုန်များက ပစ်လွှတ်လိုက်သည့် ပဲ့ထိန်းဒုံးကျည်ကို ကြားဖြတ်ဖျက်ဆီးနိုင်ခဲ့ကြောင်း အစိုးရသတင်းဌာနက သတင်းထုတ်ပြန်ခဲ့ ကြောင်း သိရသည်။

အဆိုပါဖြစ်ရပ်ကြောင့် Taif အပြည်ပြည်ဆိုင်ရာ လေဆိပ်ကို ထိခိုက်မှုမရှိဟုလည်း အထူးအလေးပေးဖော်ပြထားကြောင်း သိရသည်။ အဆိုပါအချိန်တွင် ဟိုသီသူပုန်မီဒီယာဖက်မှ မက္ကာကို ချိန်ရွယ်ပစ် လွှတ်ခဲ့သည့် ဒုံးကျည်နှင့်ပတ်သက်၍ တစ်လုံးတစ်ပါဒမျှထုတ်ပြန်ပြောကြားခြင်းမရှိပဲ ယင်းအစား တစ်နေရာတည်းတွင် တည်ရှိသည့် ဆော်ဒီလေတပ်အခြေစိုက်စခန်းကို ဒုံးပျံဖြင့်တိုက်ခိုက်ခဲ့သည့်အကြောင်းကိုသာ သတင်းထုတ်ပြန်ခဲ့ ကြောင်း သိရသည်။ ဟိုသီလက်နက်ကိုင်တပ်များက Taif ဒေသရှိ King Fahad လေတပ်အခြေစိုက်စခန်းကို ချိန်ရွယ်၍ Borkan-1 (Volcano-1) တာလတ် ပဲ့ထိန်းဒုံးကျည်များဖြင့် ပစ်လွှတ်တိုက်ခိုက်ခဲ့သည်ဟု ဟိုသီဆာဗား သတင်းဌာနက ဖော်ပြခဲ့ပြီး၊ ၄င်းတို့၏ဒုံးကျည်များသည် သက်ဆိုင်ရာပစ်မှတ်များကို အောင်မြင်စွာထိမှန်ခဲ့သည်ဟု ဖြည့်စွက်ဖော်ပြခဲ့ကြောင်း သိရသည်။ ဆော်ဒီအာရေးဗီးယားနိုင်ငံသည် ယီမင် ရှီးယိုက်ဟိုသီသူပုန်များနှင့် ပြင်းထန်စွာ တိုက်ပွဲဖြစ်ပွားလျှက်ရှိသည်မှာ နှစ်နှစ်ကျော်ကြာမြင့်ခဲ့ပြီဖြစ်ကြောင်း သိရသည်။

၂၀၁၅ ခုနှစ်မှစတင်၍ ဆော်ဒီ ဦးဆောင်သော ပူးပေါင်းတပ်များ တိုက်ပွဲအတွင်းဝင်ရောက်ခဲ့သည့်အချိန်မှစ၍ လေကြောင်းတိုက်ခိုက်မှုနှင့် မြေပြင်တိုက်ပွဲများကြောင့် ယီမင်နိုင်ငံတွင် လူပေါင်း ၈၁၆၀ ကျော်သေဆုံးကာ ၄၆၃၀၀ ဦး ထိခိုက်ဒဏ်ရာရရှိခဲ့ကြောင်း ကုလသမဂ္ဂကိန်းဂဏန်းများအရ သိရသည်။ 

 

 

Related News