တောင်ကိုရီးယားနိုင်ငံ၏ ထိပ်တန်းဂီတကြယ်ပွင့်များဖြစ်ကြသည့် G-Dragon နှင့် Jooyeonတို့က ၄င်းတို့နှစ်ဦးချစ်သူများဖြစ်နေကြသည်ဟုလတ်တလောထွက်ပေါ်နေသည့်သတင်းများနှင့် ပတ်သက်၍ ၄င်းတို့၏ အနုပညာအေဂျင်စီများမှတဆင့် ငြင်းဆိုလိုက်ကြောင်းသိရှိရသည်။

၎င်းတို့နှစ်ဦး၏ လူမှုကွန်ယက်မီဒီယာများတွင် ဖော်ပြ ခဲ့သောဓာတ်ပုံအချို့ကြောင့် အွန်လိုင်းမီဒီယာများကချစ်သူများဖြစ်နေကြပြီးချိန်းတွေ့နေကြပြီဟုရေးသားဖော်ပြခဲ့ကြ ခြင်းဖြစ်သည်။ ယင်းသတင်းများနှင့် ပတ်သက်ပြီး ၄င်းတို့နှစ်ဦးစလုံးမှ ငြင်းချက်ထုတ်ထားပြီးဓာတ်ပုံများမှာယခင်ဖော်ပြ ခဲ့ဖူးသောပုံအဟောင်းများဖြစ်သလိုတမင်သက်သက် ပြင်ဆင်ထားသည်ဟုလည်းသံသယရှိနေကြောင်းJooyeon ၏ အနုပညာအေဂျင်စီကရှင်းချက်များထုတ်ပြန်ထားသည်။

ထို့နည်းတူ G-Dragon ၏ အနုပညာအေဂျင်စီဘက်ကလည်း ၄င်းတို့နှစ်ဦးသည် လုပ်ဖော်ကိုင်ဖက်များသာဖြစ်သလိုဓာတ်ပုံများမှာလည်းလုပ်ဖော်ကိုင်ဖက်များနှင့်အတူသွားရောက်ခဲ့ ကြသော ဟာဝိုင်ယီကျွန်းတွင် ပြုလုပ်ခဲ့သည့် ဖျော်ဖြေပွဲတစ်ခုအပြီး ရိုက်ကူးထားခြင်းသာဖြစ်ကြောင်း သတင်းထုတ်ပြန် ခဲ့သည်။ 

 

 

Related News