နယူးဇီလန်မှ အာဏာရ National Party က အမ်မီနမ်ရဲ့ နာမည်ကြီးသီချင်းတစ်ပုဒ်ဖြစ်တဲ့ Lose Yourself နှင့် သံစဉ်တေးသွားတူညီနေတဲ့ သီချင်းတစ်ပုဒ်ကို ရွေးကောက်ပွဲမဲဆွယ်စည်းရုံးရေးကြော်ငြာမှာအသုံးပြုခဲ့သည့်အတွက် မူပိုင်ခွင့်ချိုးဖောက်မှုဖြင့် ရက်ပ်အဆိုတော် အမ်မီနမ်အားလျော်ကြေးငွေ အမေရိကန်ဒေါ်လာ ၄၁၂,၀၀၀ ပေးအပ်ရန် တရားရုံးကအမိန့်ချခဲ့ကြောင်းသိရသည်။

ယင်းနိုင်ငံရေးပါတီက ရွေးကောက်ပမဲဆွယ်ရာတွင်အသုံးပြုခဲ့သည့် သီချင်းသည်အမ်မီနမ်၏ Lose Yourself သီချင်းနှင့် အနည်းငယ်မျှသာကွာခြားချက်ရှိခသည်ဟုတရားရုံးဆုံးဖြတ်ချက်တွင် ဖော်ပြထားကြောင်းသိရသည်။ ပြီးခဲ့သည့် မေလတွင် အမ်မီနမ်ကNational Party သည် ၂၀၁၄ ခုနှစ် ရွေးကောက်ပွဲမဲဆွယ်မှုတွင် ၎င်း၏သီချင်းနှင့်တူညီနေသည့်သီချင်းကိုအသုံးပြုခဲ့ကြောင်းတရားစွဲဆိုခဲ့ခြင်းဖြစ်သည်။

ပါတီ၏ရှေ့နေများကမူရွေးကောက်ပွဲမဲဆွယ်ရာတွင်အသုံးပြုခဲ့သည့်သီချင်းသည် အမ်မီနမ်၏ Lose Yourself သီချင်းမဟုတ်ဘဲသီချင်းရောင်းချတဲ့ Beatboxထံမှ ဝယ်ယူခဲ့သည့် Eminem-esqueအမည်ရှိ သီချင်းသာဖြစ်ကြောင်းပြောခဲ့ပါတယ်။ Lose Yourself သီချင်းသည် ၂၀၀၂ ခုနှစ်တွင် ထွက်ရှိခဲ့သည့် အမ်မီနမ်ကိုယ်တိုင် ပါဝင်သရုပ်ဆောင်ထားသော8 Mile ရုပ်ရှင်ဇာတ်ကားမ၏ဇာတ်ဝင်တေးလည်းဖြစ်ပြီး၎င်း၏အအောင်မြင်ဆုံးသီချင်းတစ်ပုဒ်လည်းဖြစ်သည်။

 

 

Related News