မိနစ် (၃၀) ခန့်မျှ လမ်းလျှောက်ပေးရုံဖြင့် ကင်ဆာရောဂါဖြစ်ပွားခြင်းကိုကာကွယ်ပေးနိုင်ကာနှလုံး၊ အဆုတ်၊ အရေပြား၊ အရိုး၊ စိတ်ပိုင်းဆိုင်ရာနှင့် ခန္ဓာကိုယ်တွင်းဆဲလ်များနှင့် ဇီဝဖြစ်စဉ်ဆိုင်ရာ ကျန်းမာရေး စသည်တို့အပါအ၀င် ကျန်းမာရေးဆိုင်ရာကောင်းကျိုးများစွာကိုရရှိစေနိုင်ကြောင်းသိရသည်။ ကျန်းမာရေးကောင်းမွန်ရန်အတွက် ကိုယ်ကာလေ့ကျင့်ခန်းများမပြုလုပ်နိုင်ပါကလမ်းလျှောက်ခြင်းကိုသာရွေးချယ်ရန် သုတေသီများကအကြံပြုထားသည်။လှုပ်ရှားမှုနည်းပါးသူများအနေဖြင့်တစ်ပတ်လျှင် မိနစ် ၃၀ ကြာလမ်းလျှောက်ပေးမည်ဆိုပါက နှလုံးရောဂါဖြစ်နိုင်ခြေ ၁၁ ရာခိုင်နှုန်းလျော့ချနိုင်မည်ဖြစ်ပြီးလမ်းလျှောက်နေချိန်တွင်အောက်ဆီဂျင်ကိုများများလိုအပ်ခြင်းကြောင့် အသက်ပိုရှုရသည့်အတွက်အဆုတ်၏ လုပ်ဆောင်ချက်များပိုကောင်းလာသည်ဟုသိရသည်။

ထို့ပြင် ခန္ဓာကိုယ်အလေးချိန်ကျဆင်းစေပြီး၁၀ မိနစ်ခန့် ခပ်သွက်သွက်လမ်းလျှောက်ရုံဖြင့် ကယ်လိုရီ ၅၀ လောင်ကျွမ်းနိုင်ကာခန္ဓာကိုယ်တွင်းဇီဝဖြစ်စဉ်ကိုလည်းအားကောင်းစေသည်ဟုသိရသည်။ အရေပြားသို့ သွေးစီးဆင်းမှုအားတိုးသွားစေပြီးအရေပြားဆဲလ်များကိုအာဟာရဖြစ်စေကာကျန်းမာနုပျိုသည့် အသွင်ကိုလည်း ဖြစ်ပေါ်လာစေသည်။ အရိုးများကိုပိုသန်မာစေသည့်အပြင် အရိုးများ၏သိပ်သည်းဆကိုလျော့ကျစေပြီးအရိုးပွရောဂါဖြစ် စေတတ်သည့် ကော်တီဇောပမာဏကိုလှော့ကျစေနိုင်ပြီးအရိုးပွခြင်းကိုလည်းသက်သာစေသည်။ ၎င်းအပြင် ကျန်းမာပျော်ရွှင်မှုကိုဖြစ်စေသည့် အန်ဒေါ်ဖင်ဟော်မုန်းများလည်းပိုမိုထွက်ရှိလာနိုင်ပြီးတစ်ပတ်လျှင်နာရီဝက်ခန့်လမ်းလျှောက်ခြင်းဖြင့် ခန္ဓာကိုယ်တွင်းရှိဆဲလ်များကိုအားကောင်းစေပြီးအထူးသဖြင့် ရင်သားကင်ဆာနှင့် အူမကြီးကင်ဆာအပါအ၀င် ကင်ဆာရောဂါများစွာတို့မဖြစ်အောင်လည်းကာကွယ်ပေးနိုင်သည်။

 

 

Related News