ယနေ့ခေတ်တွင် လှုပ်ရှားမှုနည်းပါးခြင်းကြောင့် ကျန်းမာရေးကိုထိခိုက်မှုများ မြင့်တက်နေသည်ဖြစ်ရာသက်လတ်ပိုင်းများအနေဖြင့် ကျန်းမာရေးကောင်းမွန်စွာနေထိုင်နိုင်ရန် လမ်းမြန်မြန်သွက်သွက်လျှောက်ရန် လိုအပ်ကြောင်းအင်္ဂလန်နိုင်ငံပြည်သူ့ကျန်းမာရေးဌာန (PHE) မှ အစီရင်ခံစာထုတ်ပြန်ကာတိုက်တွန်းလိုက်ကြောင်းသိရသည်။ အသက် ၄၀ မှ အသက် ၆၀ ကြားသက်လတ်ပိုင်းအရွယ်များအနေဖြင့်ပုံမှန်မြန်မြန်သွက်သွက်လမ်းလျှောက်ကြပါဟု PHE မ တိုက်တွန်းလိုက်ခြင်းဖြစ်သည်။ တစ်ရက်လျှင် ၁၀ မိနစ်ခန့် နေ့စဉ်ပုံမှန်အားဖြင့် ခပ်သွက်သွက် မြန်မြန်လမ်းလျှောက်ခြင်းဖြင့်အရွယ်မတိုင်မီစောစီးစွာသေဆုံးနိုင်ခြေကို ၁၅ % လျော့ကျစေသည်ဟုလည်းသိရသည်။ သို့သော်လည်းအသက် ၄၀ မှ ၆၀ ကြားသက်လတ်ပိုင်း၁၀ ဦးတွင် ၄ ဦးသည်တစ်လလျှင် ၁၀ မိနစ်ခန့်ပင် ခပ်သွက်သွက် မြန်မြန်လမ်းလျှောက်ခြင်းမျိုးကိုပြုလုပ်ခြင်းမရှိကြကြောင်းလည်း၎င်းအစီရင်ခံစာတွင်ဖော်ပြထားသည်။ သက်လတ်ပိုင်းသေဆုံးမှု ၆ ခုအနက် ၁ ခုသည်လှုပ်ရှားမှုနည်းခြင်းနှင့် ဆက်စပ်နေကြောင်းလည်းသိရှိရသည်။ 

 

Related News