ပြီးခဲ့တဲ့ဇူလိုင်လကုန်ပိုင်းက ယီမင်နိုင်ငံမှာဖြစ်ခဲ့တဲ့တိုက်ပွဲတွေကြောင့် ၀မ်းရောဂါကာကွယ်ရေးလုပ်ငန်းတွေကို ထိခိုက်ခဲ့တယ်လို့ ကုလသမဂ္ဂဘက်ကပြောပါတယ်။ သူရထွန်းကတင်ဆက်ပေးမှာပါ။ယီမင်နိုင်ငံမှာ တိုက်ပွဲတွေကြောင့် ရေနဲ့ဆက်စပ်နေတဲ့အဆောက်အအုံတွေထိခိုက်ခဲ့တဲ့အတွက် ၀မ်းရောဂါကာကွယ်ရေးအား ထုတ်မှုတွေကို ထိခိုက်ခဲ့တယ်လို့ ကုလသမဂ္ဂကလေးများရန်ပုံငွေအဖွဲ့(ယူနီဆက်ဖ်)ရဲ့ အမှုဆောင်ညွှန်ကြားရေးမှူးဟဲန်ရက်တာ အိတ်ခ်ျဖောက သြဂုတ်လ(၁)ရက်မှာ ပြောပါတယ်။ ယီမင်နိုင်ငံမှာ သောက်ရေရှားပါးနေတာဟာ ကာလ၀မ်းရောဂါပျံ့နှံ့မှုတွေနဲ့ ဆက်စပ်နေတယ်လို့ မကြာသေးမီက ယီမင်ကိုရောက်ခဲ့တဲ့ဖောကပြောပါတယ်။ ဇူလိုင်လ(၂၈)ရက်က ဇာဘစ်ဒ်ပြည်နယ်မှာရှိတဲ့ ကုလသမဂ္ဂကထောက်ပံ့ထားတဲ့ ပြည်သူ့ကျန်းမာရေးစင်တာတိုက်ခိုက်ခံခဲ့ရပြီး စင်တာရဲ့ လောင်စာဆီကန်ပျက်ဆီးခဲ့တယ်လို့သိ ရပါတယ်။

အဓိကဆိပ်ကမ်းဟူဒေးဒါကို ရေဖြန့်ဝေရာမှာ အရေးအကြီးဆုံးဖြစ်တဲ့ အယ်လ်မီနာခရိုင်၊ ရေဖြန့်ဝေရေးရုံးကလည်း ဇူလိုင်လ(၂၇)ရက်မှာတိုက်ခိုက်ခံခဲ့ရပါတယ်။ (၂၀၁၅)ခုနှစ်ကတည်းက ယီမင်အစိုးရတပ်ဖွဲ့တွေ၊ ဆော်ဒီဦးဆောင်တဲ့ညွှန့်ပေါင်း တပ်ဖွဲ့တွေနဲ့ ဟူသီခွဲထွက်ရေးသမားတွေကြားတိုက်ပွဲတွေဖြစ်ခဲ့တာကြောင့် ယီမင်နိုင်ငံသား(၂၂)သန်းကျော်ဟာ လူသားချင်းစာ နာထောက်ထားမှုဆိုင်ရာအကူအညီတွေလိုအပ်နေပါတယ်။

 

 

Related News