အရှေ့တောင်အာရှတွင် ဆေးယဉ်ပါးငှက်ဖျားပျံ့နှံ့နေဟုလေ့လာတွေ့ရှိချက်တစ်ခုတွင် ဖော်ပြအရှေ့တောင်အာရှနိုင်ငံတွေမှာဆေးယဉ်ပါးငှက်ဖျားရောဂါပိုးတစ်မျိုးပျံ့နှံ့နေတယ်လို့ ထိုင်းနဲ့ဗြိတိန်နိုင်ငံကသုတေသီတွေ ပူးပေါင်းပြုလုပ်ခဲ့တဲ့ လေ့လာမှုတစ်ခုမှာ တွေ့ရှိခဲ့ပါတယ်။ကမ္ဘောဒီးယားနိုင်ငံမှာ မြန်မြန်ဆန်ဆန်ပျံ့နှံ့ခဲ့ပြီးတဲ့နောက် ဗီယက်နမ်၊ လာအိုနဲ့ ထိုင်းမြောက်ပိုင်းတို့မှာ အဓိကငှက်ဖျားဆေးနှစ်ခုကို ယဉ်ပါးနေတဲ့ငှက်ဖျားရောဂါပိုးတွေကို တွေ့နေရတယ်လို့ တနင်္လာနေ့မှာသိပ္ပံပညာရှင်တွေကသတိပေးပါတယ်။ဆေးယဉ်ပါးငှက်ဖျားရောဂါပျံ့နှံ့မှုကိုခြေရာခံနိုင်အောင် မျိုးဗီဇစောင့်ကြည့်မှုသုံးခဲ့တဲ့ သိပ္ပံပညာရှင်တွေက KEL1/PLA1ဆိုတဲ့ငှက်ဖျားပိုးတစ်မျိုးကိုရှာတွေ့ခဲ့ပြီး အဲဒီအမျိုးအစားမှာဆေးယဉ်ပါးတဲ့ ဗီဇပြောင်းလဲမှုတွေရှိနေတာကို တွေ့ခဲ့တာပါ။

ငှက်ဖျားရောဂါဟာ ခြင်တွေဆီမှာပါလာတဲ့ ပလက်စမိုဒီယမ်ကပ်ပါးပိုးကြောင့်ဖြစ်ပြီး ခြင်ကိုက်ချိန်မှာသွေးစုပ်တာကနေတဆင့်ပျံ့နှံ့တာပါ။ (၂၀၁၇)ခုနှစ်မှာလူသန်း(၂၂၀)နီးပါးလောက် ငှက်ဖျားရောဂါကူးစက်ခဲ့ပြီးလူ(၄)သိန်းလောက်သေဆုံးခဲ့တယ်လို့ ကမ္ဘာ့ကျန်းမာရေးအဖွဲ့WHOရဲ့စာရင်းတွေအရသိရပါတယ်။ သေဆုံးမှုအများစုကဆာဟာရသဲကန္တာရနဲ့တွဲနေတဲ့အာဖရိကတိုက်နေရာတွေမှာနေတဲ့ မွေးကင်းစတွေနဲ့ ကလေးတွေဖြစ်ပါတယ်။ ရောဂါရှိနေတာကိုစောစောသိရင် ဆေးကုသပျောက်ကင်းနိုင်ပေမဲ့ အရှေ့တောင်အာရှအပါအ၀င် ကမ္ဘာ့နေရာတော်တော်များများမှာ ဆေးယဉ်ပါးငှက်ဖျားရောဂါဖြစ်ပွားမှုမြင့်တက်နေပါတယ်။

 

 

Related News