ရုရှားနိုင်ငံရဲ့ ဆိုက်ဘာတိုက်ခိုက်တာဟာ အမေရိကန်နိုင်ငံကို ခြိမ်းခြောက်တာဖြစ်တယ်လို့ အမေရိကန်ထောက်လှမ်းရေးအဖွဲ့ တာဝန်ရှိသူတွေက ပြောပါတယ်။ အမေရိကန်သမ်္မတ ရွေးကောက်ပွဲမှာ ရုရှားနိုင်ငံက ပါဝင်ပတ်သက်မှုမျိုး အရင်ကမရှိခဲ့ဘူးလို့ အမေရိကန် ထောက်လှမ်းရေးအကြီးအကဲက ပြောပါတယ်။ အမေရိကန်ထောက်လှမ်းရေးအဖွဲ့ အကြီးကဲ "ဂျိန်း ကလက်ပါ" က ရုရှားနိုင်ငံဟာ သူတို့ ထောက်ခံတဲ့ ကိုယ်စားလှယ်တွေကို ကူညီထောက်ပံနိုင်ဖို့ နဲ့ သတင်းအချက်လက်တွေ မျှဝေနိုင်ဖို့ ဆိုက်ဘာတိုက်ခိုက်တာတွေ ရှိခဲ့တယ်လို့ပြောပါတယ်။

အမေရိကန်နိုင်ငံ ရွေးကောက်ပွဲလုပ်ငန်းစဉ်တွေမှာစွက်ဖက်ဖို့ ရုရှားနိုင်ငံက တိုက်ရိုက် ပါဝင်ပတ်သက်မှု (ဒါမှမဟုတ်) ရန်စမှုနဲ့အတူ ထိပ်တိုက်ရင်ဆိုင်မှု ရှိလာမှာကို မထင်ခဲ့ဘူးလို့အမေရိကန် ထောက်လှမ်းရေးအကြီးအကဲက ပြောပါတယ်။ အမေရိကန် ရွေးကောက်ခံ သမ္မတ "ဒေါ်နယ်ထရန့်"ကတော့  အမေရိကန်ထောက်လှမ်းရေးအဖွဲ့ရဲ့ တွေ့ရှိချက်ကို ငြင်းဆန်ထားပါတယ်။ အမေရိကန်ထောက်လှမ်းရေးအဖွဲ့ တာဝန်ရှိသူတွေက ရုရှားနိုင်ငံ ဆိုက်ဘာတိုက်ခိုက်တာဟာ အမေရိကန်အကျိူးစီးပွားအတွက် အန္တာရာယ်ဖြစ်လာစေနိုင်တယ်လို့ ပြောပါတယ်။ ၂၀၁၆ ခုနှစ် အမေရိကန်သမ္မတ ရွေးကောက်ပွဲကာလအတွင်း ရုရှားနိုင်ငံဟာ ဒီမိုကရက်တစ်ပါတီကို ပစ်မှတ်ထားပြီး ဆိုက်ဘာတိုက်ခိုက်တာတွေ လုပ်ဆောင်ခဲ့တယ်လို့ အမေရိကန်  ထောက်လှမ်းရေး အကြီးအကဲ "ဂျိန်းကလက်ပါ" က ပြောပါတယ်။        

    

Related News