အမေရိကန်နှင့် ကနေဒါနိုင်ငံတို့တွင် Gym (အားကစားခန်းမ) ပေါင်း ၁၁၈ ခုဖွင့်လှစ်ကာလည်ပတ်နေသည့် Time Athletic ကုမ္ပဏီက အသက် ၂၇ နှစ်အရွယ် အဆိုတော် ခရစ္စဘရောင်းအား အမည်ပျက်စာရင်သွင်းလိုက်ကြောင်းသိရသည်။ ခရစ္စဘရောင်း သည် Time Athletic အားကစားရုံတစ်ခုတွင် မန်နေဂျာနှင့် စကားများခဲ့ကြသည့်အတွက် ၎င်းနှင့် ၎င်း၏သူငယ်ချင်းတစ်စုအား ယင်းကုမ္ပဏီပိုင် အားကစားရုံများတွင် ကစားခွင့်ကို တစ်သက်တာာ ပိတ်ပင်လိုက်ကြောင်း သိရသည်။

ခရစ္စဘရောင်းတို့အုပ်စုသည် အားကစားခန်းမအတွင်းရှိ ဘတ်စကက်ဘောကွင်းထဲတွင် ကစားနေစဉ်အတွင်း အချင်းချင်းအော်ဟစ်ဆဲဆိုခြင်းနှင့် သီချင်းများကို ကျယ်လောင်စွာတီးခတ်သီဆိုခြင်းများ ပြုလုပ်သည့်အတွက် အခြား ဧည့်သည်များက တိုင်ကြားခဲ့ရာ မန်နေဂျာက ၎င်းကို အသံလျှော့ရန် သွားပြောခဲ့သော်လည်း ခရစ္စဘရောင်းက ကောင်းမွန်စွာပြန်လည်တုန့်ပြန်ခဲ့ခြင်းမရှိဘဲ အော်ဟစ်ဆဲဆိုခဲ့သည်ဟု သိရသည်။

ထို့ကြောင့် မန်နေဂျာဖြစ်သူက ခရစ္စဘရောင်းကို ထွက်သွားပေးဖို့ ပြောသည့်အခါတွင်မူ ၎င်းက တံခါးကို တံတွေးနှင့်ထွေးသွားသည်ဟုလည်း သိရသည်။ အဆိုပါ လုပ်ရပ်သည် အလွန်ရန်လိုမှုပြုခြင်းဖြစ်ကာ လက်မခံနိုင်သည့်အတွက် ခရစ္စဘရောင်းနှင့် ၎င်း၏သူငယ်ချင်း တစ်သိုက်ကို အမေရိကန်နှင့် ကနေဒါမှာရှိနေသည့် Time Athletic ကုမ္ပဏီ၏ အားကစားခန်းမ ၁၁၈ ခုတွင် ကစားခွင့် ပိတ်လိုက်ခြင်းဖြစ်ကြောင်း ကုမ္ပဏီ၏ ပြောရေးဆိုခွင့်ရှိသူတစ်ဦးက ပြောကြားခဲ့သည်။ ယင်းကိစ္စနှင့်ပတ်သက်ပြီး ခရစ္စဘရောင်း၏ ကိုယ်စားလှယ်များကမူ တစ်စုံတစ်ရာတုန့်ပြန်ပြောကြားခြင်းမရှိသေးကြောင်း သိရသည်။  

Related News