ဂျပန်နိုင်ငံအခြေစိုက် Casio နာရီကုမ္ပဏီသည် ယခု ဇန်န၀ါရီလတွင် လက်ဗီးဂတ်စ်၌ ကျင်းပမည့် ၂၀၁၇ ကမ္ဘာ့နည်းပညာ ထုတ်ကုန်ပြပွဲတွင် Android Wear 2.0 သုံးထားပြီး နေရာပြ GPS စနစ်ပါ ထည့်သွင်းပေးထားသည့် Casio WSDF20 စမတ်နာရီကို ထုတ်လုပ်ပြသသွားမည်ဖြစ်ကြောင်းသိရသည်။ ပြီးခဲ့သည့် ၂၀၁၆ ခုနှစ်အတွင်းတွင် Android Wear 1.0 သုံး WSDF10 စမတ်နာရီဖြင့် ပရိသတ်များ၏စိတ်ဝင်စားမှုကို ဖမ်းစားနိုင်ခဲ့သည့် Casio ၏ အဆိုပါနာရီသည်လည်း ဈေးကွက်တွင် ပေါက်မြောက်နိုင်ချေရှိပြီး အမှန်တကယ်အဆင့်အတန်းရှိသည့် ပုံစံပင်ဖြစ်သည်ဟုလည်း ဖော်ပြထားသည်။

ယင်း Casio WSDF20 နာရီတွင်လည်း ယခင် WSDF10 စမတ်နာရီနှင့်တူညီသည့် အသွင်သဏ္ဍာန်များလည်း ပါဝင်နေကြောင်း သိရသည်။ နာရီနှစ်လုံးစလုံး၏ ညာဘက်ခြမ်းမှာ ခလုတ်သုံးခုပါရှိပြီး အကြမ်းခံနိုင်မှုအဆင့်မှာ အမေရိကန်စစ်တပ်သုံး 801G အဆင့်ရှိကာ ရေအနက် မီတာ ၅၀ အထိ ရေလုံအောင် ဖန်တီးထားကြောင်းလည်း သိရသည်။ ၎င်း Casio WSDF20 နာရီ၏ ထူးခြားချက်မှာ GPS စနစ်ပါရှိပြီး အင်တာနက်မရရှိသည့်  offine အခြေအနေမှာပင် တည်နေရာကို ရှာလို့ရမည် ဖြစ်ကြောင်း သိရသည်။နာရီမှန်မျက်နှာပြင်တွင် လက်ဗွေရာများ မထင်စေရန်အတွက်လည်း anti-fouling coating ထည့်သွင်းပြုလုပ်ကြောင်းသိရသည်။ ယင်း Casio WSDF 20 ကို ဧပြီလ ၂၁ ရက်တွင် ရောင်းချသွားရန်စီစဉ်နေကြောင်းသိရှိရသော်လည်း ဈေးနှုန်းကိုမူ မသိရှိရသေးပေ။

Related News