တရုတ်နိုင်ငံသည် ၂၀၁၇ ခုနှစ်ဘတ်ဂျက်တွင် ကာကွယ်ရေးအသုံးစရိတ် ၇ ရာခိုင်နှုန်း တရုတ်ယွမ်ငွေ ၁ ဒသမ ၀၄၄ ထရီလီယံ (အမေရိကန်ဒေါ်လာ ၁၅၁ ဒသမ ၄၃ ဘီလီယံ) ထိတိုးမြှင့်သွားမည်ဟု နိုင်ငံပိုင်မီဒီယာတစ်ခုမှ ယနေ့သတင်း ထုတ်ပြန်ခဲ့သည်။ နှစ်စဉ်ထုတ်ပြန်သည့်အစီရင်ခံစာတွင် ကိန်းဂဏန်းအတိအကျဖေါ်ပြခြင်းမရှိသည့်အတွက် ကာကွယ်ရေး အသုံးစရိတ်နှင့်ပတ်သက်၍ ပွင်းလင်းမြင်သာရှိရန် မေးခွန်းများထွက်ပေါ်လာခဲ့ပြီးနောက် ယင်းသို့ သတင်းထုတ်ပြန်ခဲ့ခြင်း ဖြစ်ကြောင်း သိရသည်။ ကာကွယ်ရေးအသုံးစရိတ်တိုးမြှင့်ခြင်းအပေါ် နိုင်ငံတကာမှ နီးကပ်စွာစောင့်ကြည့်လျှက်ရှိပြီး၊ တရုတ်နိုင်ငံ၏ မဟာဗျူဟာမြောက်ရည်ရွယ်ချက်နှင့်ပတ်သက်သည့်ခြေလှမ်းများကို စိတ်ဝင်စားလျှက်ရှိကြောင်း သိရသည်။

ယခုနှစ်အတွက် ကာကွယ်ရေးအသုံးစရိတ်ကို ၇ ရာခိုင်နှုန်းတိုးမြှင့်မည်ဖြစ်ရာ စုစုပေါင်းပြည်တွင်းထုတ်ကုန်၏ ၁ ဒသမ ၃ ရာခိုင်နှုန်းရှိရာ လွန်ခဲ့သောနှစ်အနည်းငယ်က အဆင့်နှင့်တူညီကြောင်း တရုတ်လွှတ်တော် ပြောရေးဆိုခွင့်ရှိသူ Fu Ying က ပြောကြားခဲ့သည်။ သို့သော် ပုံမှန်မဟုတ်သောလှုပ်ရှားမှုအနေဖြင့် ဘဏ္ဍာရေးဝန်ကြီးဌာနက ယခုလ ၅ ရက် နေ့ကကျင်းပသော နှစ်စဉ်အစည်းအဝေးဖွင့်ပွဲ၌တင်ပြခဲ့သော အစီရင်ခံစာတွင် အသုံးစရိတ်ကိန်းဂဏန်းများကို တရုတ် ဘဏ္ဍာရေးဌာနက ဖေါ်ပြခဲ့ခြင်းမရှိဟု သိရသည်။

တရုတ်အစိုးရမီဒီယာ ဆင်ဟွာသတင်းဌာနက ဘဏ္ဍာရေးဝန်ကြီးဌာနမှ အမည်မဖေါ်လိုသူ တာဝန်ရှိသူတစ်ဦးကို ကိုးကားပြီး အသုံးစရိတ်ကိန်းဂဏာန်းများကို ၄င်း၏ microblog အင်တာနက် စာမျက်နှာတွင် ဖော်ပြခဲ့ကြောင်း သိရသည်။ အဆိုပါအသုံးစရိတ်သည် အမျိုးသားကာကွယ်ရေးနှင့် စစ်ရေးပြုပြင်ပြောင်းလဲ မှုများပိုမိုလုပ်ဆောင်နိုင်ရန် အကူအညီပေးဖို့အဓိက အသုံးပြုသွားမည်ဖြစ်ကြောင်း အဆိုပါတာဝန်ရှိသူက ပြောကြားခဲ့ ကြောင်း သိရသည်။ 

Related News