မြောက်ကိုရီးယားနိုင်ငံရဲ့ တိုက်ချင်းပစ်ပဲ့ထိန်းဒုံးကျည် (ICBM) အစီအစဉ်မှာ ဒုံးကျည်ဟာ လေထုထဲကို ဘေးကင်းစွာဝင်ရောက် နိုင်တဲ့နည်းပညာမရှိသေးဘူးလို့ တောင်ကိုရီးယား လွှတ်တော်အမတ်တွေကပြောပါတယ်။ မြောက်ကိုရီးယားဟာဟွမ်ဆောင်း ၁၄ အမျိုးအစားပဲ့ ထိန်းဒုံးကျည်ကို ပစ်လွှတ်ခဲ့ပြီးဒီဒုံးကျည်ဟာ ICBM နည်းပညာသုံးတဲ့ ပထမဆုံးအောင်မြင်မှု ဖြစ်တယ်လို့ မြောက်ကိုရီးယားဘက်ကပြောထားတာပါ။ မြောက်ကိုရီးယားရဲ့တိုက်ချင်းပစ် ပဲ့ထိန်းဒုံးကျည်မှာ လေထုထဲကိုဘေးကင်းစွာ ၀င်ရောက်နိုင်တဲ့ နည်းပညာမရှိသေးဘူးဆိုတာကို တောင်ကိုရီးယားအမျိုးသားထောက်လှမ်းရေးအေဂျင်စီ (NIS) ကအတည်ပြုထားတယ်လို့ တောင်ကိုရီးယားလွှတ်တော်ရဲ့ ထောက်လှမ်းရေးဆိုင်ရာကော်မတီဝင် လွှတ်တော်အမတ်တွေက ပြောလိုက်တာပါ။
 
ဒါ့ပြင် မြောက်ကိုရီးယားဟာ ဒုံးကျည်ထိပ်ဖူးကိုပစ်မှတ်ကို တိတိကျကျပစ်နိုင်တဲ့ နည်းပညာမရရှိသေးတဲ့ အခြေအနေမှာရှိနေလို့ အရင်ရှိထားဖို့လိုအပ်တဲ့ ဒုံးကျည်ကိုလေထုထဲကို ဘေးကင်းစွာဝင်ရောက်နိုင်တဲ့ နည်းပညာလည်းမရှိသေးတာကို ပြသနေတယ်လို့ တောင်ကိုရီးယား လွှတ်တော်အမတ်တွေကပြောပါတယ်။ မြောက်ကိုရီးယားဟာ ပြုံဂဲရီ နျူကလီးယားစမ်းသပ် ရေးစခန်းမှာ နျူကလီးယားစမ်းသပ်တာကိုအချိန်မရွေးလုပ်နိုင်တဲ့အခြေအနေရှိပေမဲ့ လက်ရှိမှာတော့ ချက်ချင်းစမ်းသပ်မှု လုပ်နိုင်ချေမရှိသေးဘူးဆိုတဲ့ (NIS) ပြောကြားချက်ကိုကိုးကားပြီး လွှတ်တော်အမတ် တွေက ပြောပါတယ်။ 
 
 

Related News