လန်ဒန်မြို့အရှေ့မြောက်ပိုင်းမှာ ဆယ်ကျော်သက်တစ်ဦးက လူတွေရဲ့မျက်နှာတွေကို အက်ဆစ်နဲ့တိုက်ခိုက်မှုတွေ ဖြစ်ပွားခဲ့တယ် လို့ သိရပါတယ်။ ဆိုင်ကယ်စီးထားသူနှစ်ဦးဟာ  ဟက်နီ၊ စတုတ် နယူးတန်နဲ့ အင်စလင်တန် အရပ်တွေမှာ မိနစ်ကိုးဆယ် အတွင်း တိုက်ခိုက်မှုတွေပြုလုပ်ခဲ့တာလို့ သိရပါတယ်။ အက်ဆစ်နဲ့အပက်ခံရသူတွေထဲက တစ်ဦးဟာ အသက်စိုးရိမ်ရတဲ့ထိခိုက်ဒဏ်ရာ တွေ ခံစားနေရတယ်လို့ သိရပါတယ်။ သတင်းဖော်ပြချက်တွေအရ ဆိုင်ကယ်စီးထားတဲ့အမျိုးသား ၂ ဦးဟာ အနီးနားမှာ ရှိတဲ့ ဆိုင်ကယ်စီးအမျိုးသားတစ်ဦးကို အက်ဆစ်နဲ့ပက်ခဲ့တာဖြစ်တယ်လို့ သိရပါတယ်။
 
ဗြိတိန်ရဲတပ်ဖွဲ့ဟာ ကိုယ်ခန္ဓာကိုထိခိုက်စေမှု၊ ဓားပြ တိုက်မှုတွေနဲ့ မသင်္ကာသူ ဆယ်ကျော်သက်လူငယ်တစ်ဦးကို ဖမ်းဆီးထားပါတယ်။ အခုလိုတိုက်ခိုက်မှုတွေကို စိုးရိမ်မိ သလို အခုလိုတိုက်ခိုက်မှုကို ရှုတ်ချတယ်လို့ လန်ဒန်ရဲတပ်ဖွဲ့က ပြောပါတယ်။ လန်ဒန်အရှေ့ပိုင်းက ဘက်တွန်အရပ်မှာ အသက် ၂၁ နှစ် ပြည့်မွေးနေ့ပွဲဆင်နွှဲနေတဲ့ အမျိုးသမီးတစ်ဦးနဲ့ သူ့ရဲ့ဝမ်းကွဲညီအစ်မ တစ်ဦးတို့ အက်ဆစ်နဲ့တိုက်ခိုက်ခံရမှုတစ်ခု ဇွန်လတုန်းက ဖြစ်ပွားခဲ့ဖူးပါတယ်။ လန်ဒန်မှာ အက်ဆစ်တိုက်ခိုက်မှုတွေမြင့်တက်လာမှုကို စိုးရိမ်မှုတွေ မြင့်တက်လာချိန်မှာ အခုလိုတိုက်ခိုက်မှု တွေ ထွက်ပေါ်လာတာပါ။
 
၂၀၁၀ ပြည့်နှစ်ကတည်းကဆိုရင် လန်ဒန်မြို့တော်မှာ အက်ဆစ်တိုက်ခိုက်မှု (၁၈၀၀)အထိ ရှိခဲ့တယ်လို့ သတင်း တွေမှာဖော်ပြ နေပါတယ်။ ဒါ့ပြင် ပြီးခဲ့တဲ့နှစ်တုန်းကလည်း အက်ဆစ်နဲ့တိုက်ခိုက်မှုဖြစ်ပွားတဲ့ အရေအတွက် ဟာ ၂၀၁၅ ခုနှစ်က ထက်စာရင် တိုက်ခိုက်မှု(၂၀၀)အထိဖြစ်ပွားခဲ့ပါတယ်။
 
 

Related News