တရုတ်နိုင်ငံအနောက်တောင်ပိုင်း စီချွမ်ပြည်နယ်မှာ လှုပ်ခတ်ခဲ့တဲ့ငလျင်အတွင်း ငလျင်ဒဏ်သင့် ဒေသတွေကို ရိုက်ထားတဲ့ ဂြိုလ် တုဓာတ်ပုံတွေ ပထမဆုံးအကြိမ် ထွက်ပေါ်လာပြီဖြစ်ပါတယ်။ ကျုဇိုင်းဂူကောင်တီမှာ မြေပြိုတာတွေနဲ့ လမ်းတွေပိတ်တဲ့အထိ ပြင်းထန်ခဲ့တဲ့ငလျင်ရဲ့ ဂြိုလ်တုဓာတ်ပုံတွေကို တရုတ်နိုင်ငံရဲ့ ဂြိုလ်တုအချက်အလက်စုဆောင်းရေးနဲ့ အသုံးချရေးစင်တာက ထုတ်ပြန်လိုက်တာပါ။

ကျန်းကျာမြို့နယ်ကို ဗဟိုပြုလှုပ်ခတ်ခတ်တဲ့ ငလျင်ပတ်ဝန်းကျင် (၂၁၁၆)စတုရန်းကီလိုမီတာ တစ်ဝိုက်ကပုံတွေကို စင်တာက ထုတ်ပြန်လိုက်တာပါ။ ငလျင်မလှုပ်ခင်နဲ့ လှုပ်ပြီးဓာတ်ပုံတွေကို နှိုင်းယှဉ်ပြတဲ့ပုံတွေမှာတော့ လမ်းတွေ ပိတ်တာနဲ့ မြေပြိုမှုတွေဖြစ်ပွားတာကို ပြသနေပေမဲ့ လူနေအိမ်တွေနဲ့အခြားအဆောက်အအုံတွေမှာတော့ ထိခိုက်မှုနည်းခဲ့တာကို ပြသနေပါတယ်။

စင်တာဟာ ဂြိုလ်တုတော်တော်များများကို အသုံးပြုပြီး ငလျင်ဒဏ်ခံဒေသတွရဲ့ ရုပ်ပုံတွေ လေ့လာပြီး အသေးစိတ်ဖော်ပြထားပါတယ်။ အရေးပေါ် အခြေအနေကူညီရေးနဲ့ ငလျင်အလွန်လျော့ပါးသက်သာရေးတွေအတွက် အခုအချက် အလက်တွေကို မျှဝေသွားမယ်လို့ စင်တာက ပြောပါတယ်။ ငလျင်ကြောင့် ပိတ်နေတဲ့ အမျိုးသားအဝေးပြေး လမ်းမကြီးတွေရဲ့ အပိုင်းတစ်ချို့ကို ရှင်းလင်းရေးလုပ်ပြီး ပြန်ဖွင့်လိုက်ပြီလို့ တရုတ်ပို့ဆောင်ရေး ၀န်ကြီးဌာနက ပြောပါတယ်။  

 

 

Related News