ဖိပရိုနေး ပိုးသတ်ဆေးပါဝင်နေတဲ့ကြက်ဥတန်ချိန်(၂၀)ခန့်ကို ဒိန်းမတ်နိုင်ငံမှာရောင်းချထားပြီးဖြစ်တယ်လို့ ဒိန်းမတ်နိုင်ငံရဲ့ကုသရေးနဲ့ အစားအစာစီမံခန့်ခွဲမှုဌာနကတာဝန်ရှိသူတစ်ဦးကပြောဆိုလိုက်ပါတယ်။ပြုတ်ပြီးအခွံနွှာထားတဲ့ကြက်ဥတွေကို ဒိန်းမတ်နိုင်ငံရဲ့ကိုယ်တိုင်ယူစနစ်ကျင့်သုံးတဲ့ကော်ဖီဆိုင်တွေ၊ ကော်ဖီဆိုင်တွေနဲ့ စားသောက်ဆိုင်တွေမှာ အဓိကရောင်းချနေကြတာလို့ ကုသရေးနဲ့အစားအစာစီမံခန့်ခွဲမှုဌာနက ပြောလိုက်တာပါ။ ဒိန်းမတ်ဟာ အစားအသောက်တွေထဲမှာ ဖိပရိုနေးပိုသတ်ဆေးပါဝင်နေတယ်လို့တွေ့ရှိရတဲ့ ဥရောပထဲက နောက်ဆုံးနိုင်ငံဖြစ်ပါတယ်။ ဒီဖြစ်ရပ်နဲ့ပတ်သက်လို့ နယ်သာလန်နဲ့ဘယ်လ်ဂျီယံနှစ်နိုင်ငံအရာရှိတွေပူးပေါင်းပြီး စီးနင်းရှာဖွေမှုတွေအတွင်း နယ်သာလန် နိုင်ငံသားပိုင် ကုမ္ပဏီ ချစ်ခ်ဖရန့်က မန်နေဂျာနှစ်ဦးကို ဖမ်းဆီးခံထားရပါတယ်။
 
ကုမ္ပဏီဟာ သူ့ရဲ့ကြက်မွေးမြူခြံတွေမှာ ဖိပရိုနေးပိုးသတ်ဆေးကို အသုံးပြုခဲ့တာဖြစ်တယ်လို့ နယ်သာလန်အစိုးရရှေ့နေတွေက ပြောပါတယ်။ ကြက်ဥတွေဟာ နယ်သာလန်နိုင်ငံက အဓိက၀င်ရောက်လာတာဖြစ်ပြီး တချို့တစ်ဝက်က ဘယ်လ်ဂျီယံနဲ့ဂျာမနီနိုင်ငံဘက်က ၀င်ရောက် လာတာဖြစ်တယ်လို့သိရပါတယ်။ ပိုးသတ်ဆေးပါဝင်တဲ့အစားအစာတွေများများစားခဲ့ရင် စားသုံးသူတွေရဲ့အသည်း၊ ကျောက်ကပ်နဲ့လည်ပင်းကသိုင်းရွိုက်အကြိတ်တွေကိုထိခိုက်စေနိုင်လို့ ဒီပိုးသတ်ဆေး အသုံးပြုတာကို ဥရောပမှာ ပိတ်ပင်ထားပါတယ်။ 
 
ဒိန်းမတ်အစားအသောက်စီမံခန့်ခွဲရေးကတော့ပြည်သူတွေကိုထိတ်လန့်တာတွေမဖြစ်ဖို့တိုက်တွန်းထားပြီး  ဒီပိုးသတ်ဆေးကြောင့် လူ့ကျန်းမာရေးကို အလွန်အမင်း ထိခိုက်နိုင်မှာမဟုတ်ဘူးလို့ပြောဆိုထားပါတယ်။ ဒိန်းမတ်နိုင်ငံ မတိုင်ခင်က လူဇင်ဘတ်နိုင်ငံနဲ့ရိုမေးနီးယားနိုင်ငံတို့က ထုတ်ကုန်တစ်ချို့မှာလည်း ဒီပိုးသတ်ဆေး သုံးထားတယ်ဆိုတဲ့ သဲလွန်စတွေ တွေ့ထားတယ်လို့ သတင်းတွေမှာဖော်ပြနေပါတယ်။ 
 
 
 

Related News