ရုရှားနိုင်ငံတွင် အလေးချိန် ၂၂.၇ ပေါင်ရှိကမ္ဘာ့အကြီးဆုံး စာရင်းဝင်သည့် ရွှေရိုင်းတုံးကြီးကိုတူးဖော်တွေ့ရှိခဲ့သည်ဟုသိရသည်။ ရုရှအရှေ့တောင်ဘက် အစွန်အဖျားဒေသရှိ၊ ဇာယာစုပေါင်းသတ္တုမိုင်းနယ်မြေအတွင်းမှ ဘူဒိုဇာယာဉ်မောင်းတစ်ဦးကအဆိုပါ အလေးချိန် ၂၂.၇ ပေါင် (၁.၆ စတုံ) အလေးချိန်ရှိရွှေရိုင်းတုံးကြီးကိုတူးဖော်တွေ့ရှိခဲ့ခြင်းဖြစ်သည်။

အဆိုပါရွှေရိုင်းတုံးကြီးသည် ရွှေရည်အရည်အသွေးပြည့်မီပြီး၊ ကီလိုဂရမ်အားဖြင့် ၁၀.၃၅ကီလိုဂရမ်ရှိပြီးရွှေသတ္တုများပေါကြွယ်ဝရာ ဇာယာမိုင်းတွင်းဒေသ၌တူးဖော်တွေ့ရှိခဲ့ရသမျှထဲတွင်  အကြီးဆုံးရွှေရိုင်းတုံးကြီးအဖြစ်လည်း မှတ်တမ်းဝင်ခဲ့သည်ဟုသိရသည်။

လက်ရှိအကြမ်းအားဖြင့်ပေါက်ဈေးသည် ရွှေအလေးချိန် တစ်ကီလိုလျှင် အမေရိကန်ဒေါ်လာ ၄ သောင်းရှိနေသည့်အတွက် ၎င်းရွှေရိုင်းတုံးကြီးသည် ပျမ်းမျှအားဖြင့် ကာလပေါက်ဈေးအမေရိကန်ဒေါ်လာ ၄ သိန်းကျော် (ဗြိတိန်ငွေ ပေါင် ၃ သိန်းကျော်) တန်ဖိုးရှိသည်ဟုသိရသည်။ ၎င်းဒေသတွင် ၂၀၁၁ ခုနှစ်၌နောက်ဆုံးတွေ့ရှိခဲ့သည့် အကြီးမားဆုံး ရွှေရိုင်းတုံးကြီးသည် ၁၆.၅ ပေါင်ရှိပြီးယခုရွှေရိုင်းတုံးကြီးက ၎င်းထက် ၆.၂ ပေါင် ပိုမိုလေးသည်ဟုသိရသည်။ 

 

 

Related News