ဂျပန်နိုင်ငံတွင် လွန်ခဲ့သော ၂၀၁၃ ခုနှစ်က ၃၁ နှစ်အရွယ် NHKအမျိုးသမီးသတင်းထောက်တစ်ဦးမှာအလုပ်အလွန်အကျွံလုပ်ရင်းသေဆုံးခဲ့ရကြောင်းအလုပ်သမားစံချိန်စံညွှန်းများဆိုင်ရာစုံစမ်းစစ်ဆေးသူများ၏ သုံးသပ်ချက်အရသိရသည်ဟုယမန်နေ့တွင် အဆိုပါသတင်းဌာနကထုတ်ပြန်ပြောကြားခဲ့သည်။ ဂျပန်အလုပ်သမားအများအပြားသည် အလွန်ဆိုးဝါးသောလုပ်ငန်းခွင်အခြေအနေများနှင့်ကြုံတွေ့နေရကြောင်းနောက်ထပ်သက်သေသာဓကများဖြင့် ကိုးကားဖော်ပြခဲ့ကြောင်းသိရသည်။

တိုကျိုမြို့တော် NHKအသံလွှင့်ဌာနတွင်အလုပ်လုပ်ကိုင်သူMiwa Sadoဆိုသည့် သတင်းထောက်အမျိုးသမီးသည် ၂၀၁၃ ခုနှစ် ဇူလိုင်လက နှလုံးဖေါက်ပြီးသေဆုံးခဲ့ကြောင်းနှင့်ယင်းသို့သေဆုံးခြင်းမတိုင်မှီတစ်လလုံးတွင် နားရက်နှစ်ရက်မျှသာယူပြီး ၁၅၉ နာရီကြာအချိန်ပိုအလုပ်လုပ်ခဲ့ကြောင်းဒေသဆိုင်ရာအလုပ်သမားစံချိန် စံညွှန်းဌာနက ၂၀၁၄ ခုနှစ် မေလတွင် ဆုံးဖြတ်ခဲ့ကြောင်းသိရသည်။

လွန်ခဲ့သော ၂၀၁၅ ခုနှစ်ကလည်းကြော်ငြာလုပ်ငန်းကြီးတစ်ခုဖြစ်သောDentsu Inc.တွင် မကြာသေးမီကအလုပ်ဝင်ခဲ့သည့် ၀န်ထမ်းတစ်ဦးသည် အချိန်ပိုနာရီများစွာအလုပ်လုပ်ကိုင်ခြင်းကြောင်းမိမိကိုယ်မိမိသတ်သေမှုတစ်ခုဖြစ်ပွားခဲ့ပြီးနောက် ၀န်ကြီးချုပ်ရှင်ဇိုအာဗေးအုပ်ချုပ်ရေးအဖွဲ့သည် နိုင်ငံအတွင်းရှိအလုပ်ခွင်အခြေအနေများတိုးတက်ကောင်းမွန်စေမည့်နည်းလမ်းများကိုရှာဖွေခဲ့ကြောင်းသိရသည်။ တိုကျိုမြို့တော်အစိုးရဆိုင်ရာသတင်းတာဝန်ခံတစ်ဦးဖြစ်သူ Sadoသည် ၂၀၁၃ ခုနှစ် ဇွန်လ မှ ဇူလိုင်လအထိကျင်းပခဲ့သည့် တိုကျိုစီရင်စုလွှတ်တော်ရွေးကောက်ပွဲနှင့် အထက်လွှတ်တော်ရွေးကောက်ပွဲတို့တွင် အလုပ်လုပ်ခဲ့သူဖြစ်ပြီး၊ အထက်လွှတ်တော်ရွေးကောက်ပွဲပြီးနောက် သုံးရက်အကြာဇူလိုင်လ ၂၄ ရက်တွင် ကွယ်လွန်ခဲ့ခြင်းဖြစ်သည်။

၎င်းတို့သတင်းဌာနအနေဖြင့် ပုဂ္ဂိုလ်ရေးဆိုင်ရာဖော်ပြချက်များနှင့် အချိန်ကတ်များမှတဆင့် သူမ၏အလုပ်လုပ်ချိန်များကိုခြေရာခံမှတ်သားနိုင်ခဲ့ကြောင်းNHKသတင်းဌာနကပြောကြားခဲ့သည်။ သို့သော် တိုးတက်ဖွံ့ဖြိုးရန်လိုအပ်သည့်ဧရိယာများရှိနေသေးကြောင်းအဆိုပါသတင်းဌာနကဖော်ပြခဲ့ကြောင်းသိရသည်။ Sadoသည် ၂၀၀၅ ခုနှစ်တွင် သတင်းဌာနသို့အလုပ်ဝင်ခဲ့ပြီးKagoshimaစီရင်စုရှိသတင်းဌာန၏ဗျူရိုတွင် အလုပ်စတင်လုပ် ကိုင်ခဲ့ကာ ၂၀၁၀ ခုနှစ်တွင် တိုကျိုသို့တာဝန်ပြောင်းရွေ့ထမ်းဆောင်စေခဲ့ပြီးတိုကျိုအစိုးရဆိုင်ရာသတင်းများအတွက် နှစ်နှစ်ကြာ တာဝန်ပေးအပ်ခံခဲ့ရကြောင်း သိရသည်။ 

 

 

Related News