ဆူဘာရုစက်ရုံတွေထဲက တစ်ခုမှာ မကျွမ်းကျင်တဲ့လုပ်သားတွေကကားတွေကို မတင်ပို့ခင်ပြုလုပ်တဲ့ ဘေးကင်းလုံခြုံမှု စစ်ဆေးချက်တွေကို လုပ်ဆောင်ခဲ့တယ်ဆိုတာကို ဂျပန်ကားလုပ်ငန်း ဆူဘာရုရဲ့အမှုဆောင်ချုပ်နဲ့ဥက္ကဋ္ဌ ဖြစ်သူက ၀န်ခံထားပါတယ်။ နစ်ဆန်မော်တာမှာ အလားတူဖြစ်ရပ် မျိုးဖြစ်ခဲ့ပြီးတဲ့နောက် ဂျပန်ကားကုမ္ပဏီတွေအနေနဲ့ ကုမ္ပဏီတွင်း စုံစမ်းစစ်ဆေးတာတွေကို  လုပ်ဆောင်ဖို့ ဂျပန်အစိုးရက ညွှန်ကြားထားပါတယ်။ ဆူဘာရုရဲ့ ကုမ္ပဏီတွင်းလုပ်ဆောင်ခဲ့တဲ့စုံစမ်းစစ်ဆေးမှုတွေအရ တိုကျို မြောက်ပိုင်းက စက်ရုံမှာ အခုလို အမှန်မကန်ဖြစ်ရပ်ဖြစ်ထားတာကို ကုမ္ပဏီဘက်ကတွေ့ ရှိထားတယ်လို့ သတင်းရင်းမြစ်တွေကို ကိုးကားပြီး NHK သတင်းမှာဖော်ပြပါတယ်။
 
ကျွမ်းကျင်မှု သင်တန်းတက်နေဆဲဖြစ်တဲ့ အလုပ်သမားတစ်ချို့က ကားတွေရဲ့ ဘေးကင်းမှုဆိုင်ရာစစ်ဆေးမှုတွေကို ပြုလုပ်ခဲ့တယ်လို့လည်း သတင်းမှာဖော်ပြပါတယ်။ ဂျပန်ကားလုပ်ငန်းတွေအနေနဲ့ ကားတွေ ကို တင်ပို့မှုမလုပ်ခင် ဘေးကင်းလုံခြုံမှုရှိကြောင်း စစ်ဆေးချက်ကို အစိုးရက ခန့်အပ်ထားတဲ့ တရားဝင်လုပ်သားတွေကိုပဲ လုပ်ဆောင်ခွင့်ပေးရတာဖြစ်ပါတယ်။ ဆူဘာရုအမှုဆောင်ချုပ်နဲ့ ဥက္ကဋ္ဌဖြစ်သူ ယိုရှီနာဂါက အခုဖြစ်ရပ်ကို ၀န်ခံအတည်ပြုထား ပါတယ်။ အခုလို မမှန်ကန်တဲ့ ကျင့်သုံးမှုတွေ ဖြစ်ပွားနေတာ နှစ် ၃၀ ကျော်ကြာမြင့်နေပြီး သင်တန်းတက်နေတဲ့အလုပ်သမား တစ်ချို့အခုဖြစ်ရပ်မှာ ပါဝင်နေတယ်ဆိုတာကို ၀န်ခံထားပါတယ်။ အဲဒီအလုပ်သမားတွေဟာ တရားဝင်လုပ်သားတွေကပေးတဲ့ စာရွက်စာတမ်းတွေမှာ တံဆိပ်တုံးရိုက်နှိပ်တာတွေကို ပြုလုပ်ခဲ့တယ်လို့ ယူဆရတယ်လို့လည်း သတင်းမှာဖော်ပြပါတယ်။ 
 
 
 

Related News