အီးယူကနေ ဗြိတိန်နှုတ်ထွက်ရေးမှာ အိုင်ယာလန်ရဲ့အခွင့်အရေးတွေကိုတောင်းဆိုနေတဲ့ အိုင်ယာလန်ကျွန်းမြောက်ပိုင်းလွှတ်တော်ရဲ့ ဦးဆောင်ပါတီဖြစ်တဲ့ DUP ပါတီရဲ့ ထောက်ခံမှုတွေ လိုအပ်နေပါတယ်။ဗြိတိန်နိုင်ငံ ဥရောပသမဂ္ဂ(E.U)ကနေ ခွဲထွက်တဲ့အခါ အိုင်ယာလန်က(DUP)ပါတီနဲ့ သဘောတူညီမှုတစ်ရပ်ရှိရမယ်ဆို တဲ့ ဖိအားတွေကို ဗြိတိန်ဝန်ကြီးချုပ် ထရီစာမေ တွေကြုံနေရပါတယ်။DUP ရဲ့ အပြင်းအထန်ဆန့်ကျင်ပြောဆိုမှုတွေကို တွေ့ကြုံ နေရပြီးနောက် မေက EU နဲ့ စီးပွားရေးဆွေးနွေးမှုတွေ စတင်ပြုလုပ်ရတော့မယ့် သဘောတူညီချက်တွေကို နောက်ပြန်ဆုတ်ခဲ့ရ ပါတယ်။
 
DUP ပါတီဘက်ကတော့ အိုင်ယာလန်မြောက်ပိုင်းဟာ ဗြိတိန်ရဲ့ ကျန်တဲ့နယ်တွေနဲ့ ခွဲခြားဆက်ဆံခံရဖွယ် ရှိနေတာကြောင့် မေရဲ့သဘောတူညီချက်တွေကို ငြင်းဆိုထားတယ်လို့ ပြောပါတယ်။ မေက ဗုဒ္ဓဟူးနေ့လောက်မှာ EU နဲ့ ဆွေး နွေးမှု ပြုလုပ်သွားဖို့ ထပ်မံကြိုးစား သွားဖွယ်ရှိနေပါတယ်။ အီးယူခေါင်းဆောင်တွေက ဒီဇင်ဘာ(၁၄)ရက်မှာ တွေ့ဆုံမှာဖြစ်ပြီး အဲဒီနေ့မှာ ဗြိတိန် အီးယူကခွဲထွက်ပြီးနောက် ကုန်သွယ်ရေးကိစ္စရပ်တွေနဲ့ ပတ်သက်လို့ ဆွေးနွေးမှုတွေ စတင်ပြုလုပ်မလား၊ မလုပ်ဘူး လားဆိုတာကို ဆုံးဖြတ်သွားမှာဖြစ်ပါတယ်။
 
DUP နဲ့ ဗြိတိန်အစိုးရတို့ကြား ဘဘောတူညီချက်ရရှိဖို့ လိုအပ်နေတဲ့အချက် တွေက အိုင်ယာလန်ရဲ့ နယ်နိမိတ်သတ်မှတ်ရေး၊ အိုင်ယာလန်သားတွေရဲ့အခွင့်အရေးနဲ့ အီးယူကနေ ခွဲထွက်ခဲ့တဲ့အတွက် ဗြိတိန်အစိုးရက လျော်ကြေးငွေ ဘယ်လောက်အထိပေးသွားမလဲဆိုတာတွေဖြစ်ပါတယ်။ တနလာင်္နေ့က ဥရောပမကော်မရှင် ဥက္ကဌနဲ့ မေတို့ရဲ့ဆွေးနွေးမှုအတွင်း သဘောတူညီမှုတစ်စုံတစ်ရာမရှိဘဲ ဆွေးနွေးမှုပြီးဆုံးခဲ့ပေမဲ့ အခုတစ်ပတ်အကုန်လောက်မှာ သဘောတူညီမှုတွေရရှိလိမ့်မယ်လို့ မျှော်လင့်ခဲ့တယ်ဆိုပြီး ဗြိတိန်ဘက်ကရော ဥရောပကော်မရှင်ဘက်ကရော ထုတ်ပြောခဲ့ ပါတယ်။ 
 
 
 
 

Related News