အမေရိကန်နိုင်ငံက သိပ္ပံပညာရှင်တွေဟာ သားအိမ်အစားထိုးကုသမှုခံယူထာတဲ့ ကိုယ်ဝန်ဆောင်အမျိုးသမီးကို ကလေးမွေးဖွားနိုင်အောင် လုပ်ဆောင်နိုင်ခဲ့ကြပါတယ်။ ဒါဟာ အမေရိကန်နိုင်ငံ ဆေးပညာသမိုင်းမှာ သားအိမ်အစားထိုးခံယူထားတဲ့အမျိုးသမီးတစ်ဦး အောင်အောင်မြင်မြင်နဲ့ ကလေးမွေးဖွားနိုင်တာ ပထမဆုံးဖြစ်ပါတယ်။အမေရိကန်နိုင်ငံ၊ ဒါးလက်စ်မြို့က ဆေးပညာစင်တာကနေ အောင်အောင်မြင်မြင်မွေးထုတ်ပေးနိုင်ခဲ့တဲ့ ကလေးငယ်ရဲ့ရုပ်ပုံ တွေဖြစ်ပါတယ်။ ထူးခြားတာက ကလေးငယ်ရဲ့မိခင်ဟာ သားအိမ်အစားထိုးကုသမှုခံယူထားသူဖြစ်ပါတယ်။
 
ဒါ့ကြောင့် ဒီကလေးငယ်ဟာ သားအိမ်အစားထိုးခံထားတဲ့မိခင်ထံကနေ  ပထမဆုံးအကြိမ်အောင်အောင်မြင်မြင်မွေးဖွားနိုင်တဲ့ ကလေးငယ် ဖြစ်လာပါတယ်။ ဒါဟာ အမေရိကန်နိုင်ငံ ဆေးပညာသမိုင်းမှာ နှစ်ပေါင်းများစွာအတွင်း ထူးခြားတဲ့ဆေးပညာဆိုင်ရာ စမ်းသပ်မှု အောင်မြင်မှုတစ်ခုအဖြစ် မှတ်တမ်းဝင်လာပါတယ်။   ဘေလာ စေကော့ အန် ၀ှိုက် (Baylor Scott & White ) ကျန်းမာရေး စင်တာကတော့ အခုလို သားအိမ်အစားထိုးကုသမှုကနေ ကလေးငယ်မွေးဖွားတဲ့ဆေးပညာဆိုင်ရာစမ်းသပ်မှုမှာ မိမိသဘော အလျောက်ပါဝင်ခဲ့သူတွေနဲ့ ကိုယ်တွင်းအင်္ဂါလှူဒါန်းခဲ့သူတွေကို ကျေးဇူးတင်ကြောင်းပြောကြားခဲ့ပါတယ်။
 
ဒါ့ပြင် ကိုယ်ဝန် မဆောင်နိုင်တဲ့အမျိုးသမီးတွေ ကိုယ်ဝန်ဆောင်ပြီး ရင်သွေးငယ် အောင်အောင်မြင်မြင်မွေးဖွားနိုင်စေရေး အားထုတ်လုပ်ဆောင် နေတဲ့ စင်တာအတွက် ပြိုင်စံကင်းတဲ့အောင်မြင်မှုမှတ်တိုင်ဖြစ်တယ်လို့ ဘေလာတက္ကသိုလ် ဆေးပညာစင်တာက ကျောင်းအုပ် ကြီး ဂူလီယာနို တက်စတာက ပြောပါတယ်။ စင်တာဟာ အခုလို သားအိမ်အစားထိုးကုသမှုစမ်းသပ်မှုမှာ သားဖွားနဲ့မီးယပ်ဆိုင်ရာ ကျွမ်းကျင်ပညာရှင်တွေ၊ မိခင်နဲ့သန္ဓေသားဆေးပညာဆိုင်ရာပညာရှင်တွေနဲ့ သုတေသနပညာရှင်တွေ ပါဝင်ခဲ့ကြပါတယ်။
 
 
 

Related News