(၂၀၁၇)ခုနှစ်၊ နိုဝင်ဘာလအထိဆိုရင် ဥရောပဒေသမှာ အလုပ်လက်မြဲ့ဖစ်နှုန်း ကျဆင်းနေပြီး ဒါဟာ(၉)နှစ်အတွင်း အနိမ့်ဆုံး ဖြစ်တဲ့အပြင် ဥရောပဒေသရဲ့စီးပွားရေးပြန် အားကောင်းလာတာဖြစ်တယ်လို့ ယူရိုနယူးစ်သတင်းဌာနက သတင်းဖော်ပြပါတယ်။ ဥရောပတစ်ခွင်မှာ အလုပ်လက်မဲ့ဖြစ်နှုန်းက (၈.၇)ရာခိုင်နှုန်းအထိ ကျဆင်းနေတယ်လို့ ဥရောပသမဂ္ဂ(EU)ရဲ့ တရားဝင်စာရင်း အင်းဆိုင်ရာ အေဂျင်စီ ယူရိုစတတ်က သတင်းထုတ်ပြန်ပါတယ်။ (၂၀၀၉)ခုနှစ်ကမ္ဘာ့ ငွေကြေးအကြပ်အတည်းကြောင့် ဥရောပ ဒေသမှာ စီးပွားရေးကျဆင်းမှု တွေဖြစ်ခဲ့ပြီးနောက် အလုပ်လက်မဲ့ဖြစ်မှုနှုန်း အနည်းဆုံးရှိနေတာပါ။ ပြီးခဲ့တဲ့နှစ်အတွင်း ဥရောပ ဒေသမှာ အလုပ်လက်မဲ့ဖြစ်နှုန်း ဆက်တိုက်ကျဆင်းနေပါတယ်။
 
နိုင်ငံ(၁၉)နိုင်ငံပါဝင်တဲ့ ဥရောပငွေကြေးဆိုင်ရာဒေသကို ပေးထားတဲ့ အထောက်အပံ့တွေကို ပြန်ရုတ်သိမ်းတော့မှာဖြစ်တယ်လို့ ဥရောပဗဟိုဘဏ်က ကြေညာခဲ့ပြီးနောက် အခုအချက်အလက်တွေ ထွက်ပေါ်လာတာပါ။ အလုပ်အကိုင်အခွင့်အလမ်းတွေများနေပေမဲ့ ဥရောပ ဒေသတွင်းမှာ ငွေကြေးဖောင်းပွမှုနဲ့ပတ်သက်ပြီး ငြိမ်သက်နေတာကို ဥရောပဗဟိုဘဏ်ဘက်က စိုးရိမ်နေပါတယ်။ ဥရောပဗဟိုဘဏ်ဘက်က ငွေကြေးဖောင်းပွမှု(၂)ရာခိုင်နှုန်းအထိ ကျဆင်းဖို့ ခန့်မှန်းထားပေမဲ့ (၁.၄)ရာခိုင်နှုန်းအထိပဲ ကျဆင်းခဲ့ပါတယ်။ ဥရောပတိုက်အတွင်း အလုပ်လက်မဲ့ဖြစ်နှုန်းကျဆင်းနေပေမဲ့ အကြွေးအကျပ်အတည်းအဆိုးရွားဆုံးခံခဲ့ရတဲ့ ဂရိနဲ့ပေါ်တူဂီနိုင်ငံတွေကတော့ အလုပ်လက်မဲ့ဖြစ်နှုန်း များနေပါတယ်။
 
 
 

Related News