သြစတေးလျနိုင်ငံက ကမ္ဘာလှည့်ခရီးသည်တွေကိုဆွဲဆောင်နိုင်တဲ့ ဂရိတ်ဘာရီယာရိဖ် သန္တာကျောက်တန်းမှာ ရေကူးဖို့လာရောက်သူတွေအတွက် စည်းကမ်းချက်အသစ်တွေကိုဒေသအစိုးရအဖွဲ့ကသတ်မှတ်လိုက်ပါတယ်။ 
သြစတေးလျနိုင်ငံမှာရှိတဲ့ ဂရိတ်ဘာရီယာရိဖ်သန္တာကျောက်တန်းကိုလာရောက်တဲ့ ကမ္ဘာ့လှည့်ခရီးသည်တွေထဲက ရေကူးရာမှာ အန္တရာယ်တွေ့နိုင်တယ်လို့ယူဆရသူတွေအနေနဲ့ အသက်ကယ်အင်္ကျီဝတ်ပြီးမှ ရေကူးရမယ်ဆိုတဲ့အချက်ပါဝင်တဲ့ဘေးကင်းလုံခြုံရေးဆိုင်ရာ စည်းကမ်းတွေကို ကွင်းစ်လန်ပြည်နယ်အစိုးရက သတ်မှတ်လိုက်ပါတယ်။
 
(၂၀၁၆)ခုနှစ်မှာ နိုင်ငံခြားသား(၄)ဦးအပါအ၀င်လူ(၁၀)ဦးဟာ သန္တာကျောက်တန်းမှာရေကူးနေချိန် သေဆုံးခဲ့ပြီးနောက် အခုစည်းကမ်းတွေကိုသတ်မှတ်လိုက်တာဖြစ်ပြီး ခရီးသွားတွေရေထဲမဆင်းခင်မှာ ဘယ်သူတွေက ရေကူးရာမှာအန္တရာယ်တွေ့နိုင်သလဲဆိုတာကို ခရီးသွားလုပ်ငန်းတွေကသတ် မှတ်ပေးရမှာဖြစ်တယ်လို့ စည်းကမ်းသစ်တွေမှာပါဝင်ပါတယ်။ အန္တရာယ်တွေ့ကြုံရနိုင်သူတွေဟာ လူကြီးတွေ၊ ရေမကူးဖူးတဲ့သူ တွေနဲ့ ကျန်းမာရေးမကောင်းတဲ့သူတွေဖြစ်တယ်လို့ သြစတေးလျအာဏာပိုင်တွေကပြောပါတယ်။
 
ဂရိတ်ဘာရီယာရီဖ်သန္တာကျောက်တန်းဟာ ကမ္ဘာလှည့်ခရီးသည်တွေကိုဆွဲဆောင်နိုင်တဲ့ သြစတေးလျ နိုင်ငံက နေရာဖြစ်ပြီးတော့ သန္တာကျောက်တန်း ထောင်ချီနဲ့ ကျွန်းရာချီရှိတဲ့ဒေသဖြစ်ပါတယ်။ စက်လှေတွေပေါ်ကနေခုန်ဆင်းပြီး ရေငုပ်တာဟာ ခရီးသည်တွေကို သန္တာကျောက်တန်းနဲ့ကျွန်းတွေရဲ့ အလှအပတွေကို တွေ့မြင်စေတာကြောင့် လူကြိုက်များပေမဲ့ (၂၀၁၆)ခုနှစ်မှာ ပြင်သစ်ခရီးသည်(၂)ဦး၊ ဗြိတိန် ရေငုပ်သမား(၁)ဦးနဲ့ ဂျပန်ရေငုပ်သမား(၁)ဦးအပါအ၀င် လူ(၁၀)ဦးသေဆုံးခဲ့ပါတယ်။
 
 
 

Related News