ဖေဖော်ဝါရီလ(၁၄)ရက်မှာ အမေရိကန်နိုင်ငံ၊ ဖလော်ရီဒါပြည်နယ်က အထက်တန်းကျောင်း (၁)ကျောင်းမှာ ပစ်ခတ်ခဲ့တဲ့သေနတ် သမားနီကိုလပ်စ် ခရုဇ်ဟာ လူဖြူလူမျိုးကြီးဝါဒကျင့်သုံးနေတဲ့ အဖွဲ့(၁)ဖွဲ့နဲ့ဆက်စပ်နေတယ်လို့ ယူရိုနယူးစ်သတင်းဌာနက သတင်း ဖော်ပြပါတယ်။ အဖွဲ့ဝင်(၁)ဦးက သူ့ကိုခေါ်လာခဲ့ပြီးနောက်““ခရုဇ်””ဟာ သူတို့ရဲ့အဖွဲ့ဝင်ဖြစ်လာပြီး တယ်လာဟတ်ဆီဒေသမှာ ပြုလုပ်တဲ့ လေ့ကျင့်ရေးတွေမှာ ပါဝင်ခဲ့ဖူးတယ်လို့ ဖလော်ရီဒါပြည်ထောင်စု(R.O.F) ဆိုတဲ့ လူဖြူလူမျိုးကြီးဝါဒ ဆိုင်ရာအသိပညာပေးတာတွေလုပ်ဆောင်နေတဲ့အဖွဲ့ရဲ့ ခေါင်းဆောင်ဖြစ်သူလို့ ယူဆရတဲ့ ဂျော်ဒန် ဂျဲရတ်ဘ်က  အတည်ပြုပါတယ်။ ဒါပေမဲ့ ပစ်ခတ်မှုကိုတော့ အဖွဲ့ကညွှန်ကြားခဲ့တာမဟုတ်ဘူးလို့လည်း ပြောပါတယ်။
 
ခရုဇ်ဟာR.O.Fအဖွဲ့ဝင်ဖြစ်ပြီး ဂျဲရတ်ဘ်နဲ့အတူရှိနေတာကို မြင်ခဲ့ဖူးတယ်လို့ ခရုဇ်ရဲ့အတန်းဖော်ဟောင်း(၃)ဦးကပြောပါတယ်။ ခရုဇ်ဟာ အဲဒီအထက်တန်းကျောင်းက ကျောင်းထုတ်ခံထားရ တဲ့ကျောင်းသားဟောင်းဖြစ်ပြီး သူဟာ ကျွမ်းကျင်သေနတ်သမားဖြစ်ချင်တယ်လို့ youtube ဗီဒီယိုတစ်ခုမှာ မှတ်ချက်ရေးသားခဲ့ ဖူးတယ်ဆိုပြီး အမေရိကန်ပြည်ထောင်စုစုံစမ်းရေးဗျူရို(F.B.I)ကပြောပါတယ်။ ခရုဇ်ရဲ့ပစ်ခတ်မှုကြောင့် လူ(၁၇)ဦးသေဆုံးခဲ့ပြီး အခုဖြစ်ရပ်ဟာ (၂၀၁၂)ခုနှစ် နောက်ပိုင်း လူအသေအပျောက်အများဆုံးကျောင်းမှာပစ်ခတ်မှုဖြစ်ပါတယ်။ အခုဖြစ်ရပ်ကြောင့် အမေရိကန်နိုင်ငံမှာ သေနတ်ထိန်းချုပ်ရေးတင်းတင်းကြပ်ကြပ်လုပ်ဖို့ နိုင်ငံသားတွေက တောင်းဆိုနေကြ ပါတယ်။ 
 
 
 

Related News