နာမည်ကြီးကနေဒါရက်ပ်အဆိုတော်ဒရိတ်သည် ဖလော်ရီဒါပြည်နယ်၊ မိုင်ယာမီမြို့ ရှိ "Lotus House" အမည်ရှိအိမ်ခြေမဲ့အမျိုးသမီးများစောင့်ရှောက်ရေးဂေဟာတစ်ခုသို့ ဒေါ်လာ ၅၀၀၀၀ လှူဒါန်းခဲ့ ကြောင်းသိရသည်။ ဒရိတ်သည် ယင်းဂေဟာသို့ ကြိုတင်အကြောင်းကြားထားခြင်းမရှိဘဲသွားရောက်လှူဒါန်းခဲ့ခြင်းဖြစ် သည်။ ဒရိတ်လှူဒါန်းသည့် ငွေကြေးအားဖြင့် အဆိုပါဂေဟာတွင် ခိုလှုံနေရသူများအတွက် လိုအပ်သည့်စားနပ်ရိက္ခာများထောက်ပံ့ပေးနိုင်မည်ဖြစ်ကြောင်းဒရိတ်က ၄င်း၏ အင်စတာဂရမ်လူမှုကွန်ယက်စာမျက်နှာပေါ်၌ရေးသားဖော်ပြခဲ့သည်။ ဂရမ်မီဆု (၃) ဆုပိုင်ရှင် ဒရိတ်သည် မကြာသေးမီကလည်းမိုင်ယာမီရှိအထက်တန်းကျောင်းတစ်ကျောင်းသို့ အမေရိကန် ဒေါ်လာ (၂၅၀၀၀) လှူဒါန်းခဲ့သေးသည်။ ဒရိတ်သည် ယင်းအထက်တန်းကျောင်းတွင် ၄င်း၏ဂီတဗွီဒီယိုသစ်အား ရိုက်ကူးခဲ့ သလိုကျောင်းသူကျောင်းသားများအတွက်လည်းယူနီဖောင်းသစ်များထောက်ပံ့ပေးမည်ဟုပြောကြားခဲ့သေးကြောင်းလည်းသိရသည်။ 

 

Related News