ဇင်ဘာဘွေနိုင်ငံ၏သမ္မတ Robert Mugabe ၏ သက်တမ်းကြာရှည်အုပ်စိုးမှု အောက်တွင် ဆုံးခန်းတိုင် ဇွဲနပဲကြီးစွာကြိုးပမ်းခဲ့သူအတိုက်အခံခေါင်းဆောင် Morgan Tsvangiraiကွယ်လွန်သွားပြီဖြစ် ကြောင်းသိရှိရသည်။ ဆယ်စုနှစ်များစွာအုပ်စိုးလာခဲ့သူRobert Mugabe သည်ဖိအားပေးမှုများစွာကြောင့် ရာထူးမှ နှုတ်ထွက်သွားပြီးလပိုင်းအကြာမှာပင်အတိုက်အခံခေါင်းဆောင် Morgan Tsvangiraiကွယ်လွန်သွားခြင်းဖြစ်သည်။

ကွယ်လွန်ချိန်တွင် အသက် (၆၅) နှစ်ရှိပြီဖြစ်သည့် Tsvangiraiသည်ကင်ဆင်ရောဂါခံစားနေရပြီးယခုသီတင်းပတ်အတွင်းတောင်အာဖရိကနိုင်ငံ၌ပင်ကွယ်လွန်သွားခြင်းဖြစ်သည်။ဇင်ဘာဘွေနိုင်ငံရေး ပြောင်းလဲရေးတာဝန်ကိုသေဆုံးခါနီးအချိန်အထိတက်ကြွပြင်းထန်စွာဆောင်ရွက်ခဲ့သူMorgan Tsvangiraiသည်၎င်း၏ MDC ခေါ် “ဒီမိုကရေစီကူးပြောင်းရေးလှုပ်ရှားမှု” ကိုအောင်ပွဲရတဲ့အထိဦးဆောင်နိုင်ခြင်းမရှိခဲ့သော်လည်း ၄င်းလုပ်ဆောင်ခဲ့သမျှသည် အမှန်တကယ်ပါ အရေးပါခဲ့ကြောင်းထောက်ခံသူများကဆိုသည်။

Morgan Tsvangiraiသည် အာဏာရှင်သမ္မတဟောင်း Mugabe ကိုပထမဦးဆုံးစတင်ကာဆန့်ကျင်ရဲခဲ့သူဖြစ်သည်ဟုလည်းMDC အဖွဲ့ဝင် Austin Moyo က ပြောကြားခဲ့သည်။ MorganTsvangiraiဟာ Robert Mugabe ၏ညွန့်ပေါင်းအစိုးရအဖွဲ့တွင် ပါဝင်ပြီး၂၀၀၉ ခုနှစ်မှ ၂၀၁၃ ခုနှစ်အထိဝန်ကြီးချုပ်အဖြစ် တာဝန်ထမ်းဆောင်ခဲ့သေးသည်။ ယင်းလုပ်ဆောင်မှုနှင့် ပတ်သက်ပြီး ပြည်သူလူထုအကြား ဝေဖန်မှုများ ရှိခဲ့ပြီး ၄င်းပါဝင်သည့် ညွှန့်ပေါင်းအစိုးရအဖွဲ့လည်းပျက်ပြားခဲ့ကြောင်းသိရသည်။ 

 

 

Related News