သက်ဆိုင်ရာဥပဒေစိုးမိုးရေးလုပ်ခဲ့တာအပါအ၀င် တရားမ၀င်ငါးဖမ်းမှုတွေနဲ့ပတ်သက်တဲ့ ထိုင်းအစိုးရရဲ့ဖြေရှင်းချက်တွေကို ဥရောပသမဂ္ဂ(E.U)ဘက်က ကျေနပ်ခဲ့တယ်လို့ ထိုင်းဒုတိယ၀န်ကြီး ချုပ်ချက်ချိုင်း ဆာရီကူလ်ရာကပြောပါတယ်။ ဘယ်လ်ဂျီယံနိုင်ငံ၊ ဘရပ်ဆဲလ်မြို့မှာ တရားမ၀င်ဘဲ ပုံမှန်မဟုတ်တဲ့နည်းလမ်းတွေသုံးပြီး ငါးဖမ်းမှုတွေနဲ့ပတ်သက်လို့ ထိုင်းအာဏာပိုင်တွေနဲ့ အီးယူတို့ ဆွေးနွေးခဲ့ပြီးနောက် အီးယူရဲ့ရပ်တည်ချက်ကို သိခဲ့ရတယ်လို့ ချက်ချိုင်းကပြောပါတယ်။

လာမယ့်ဧပြီလ(၄)ရက်ကနေ (၁၁)ရက်အထိ အီးယူရဲ့လုပ်ငန်းအဖွဲ့(၁)ဖွဲ့က ထိုင်းနိုင်ငံမှာ ငါးဖမ်းမှုအခြေအနေတွေနဲ့ပတ်သက်လို့ စုံစမ်းစစ်ဆေးမှုတွေပြုလုပ် သွားမှာဖြစ်ပြီး အီးယူဘက်က ဥပဒေစိုးမိုးရေးလိုလားနေပါတယ်။ ထိုင်းနိုင်ငံမှာ တရားမ၀င်ငါးဖမ်းမှုဖြစ်ရပ်(၃၀၀၀)ထဲက (၂၄၀၀) ကျော်ကို ထိုင်းအစိုးရကအဆုံးသတ်အမိန့်ချခဲ့ပြီး ငါးဖမ်းစက်လှေပျောက်ဆုံးမှုတွေထဲက(၂)မှုကိုသာ ဖြေရှင်းဖို့ကျန်တော့တယ်လို့ သိရပါတယ်။

ထိုင်းငါးဖမ်းလုပ်ငန်းတွေနဲ့ပတ်သက်ပြီး အီးယူရဲ့ ဆုံးဖြတ်ချက်ကဘာဖြစ်မလဲဆိုတာကိုတော့ မသိရသေးပေမဲ့ ထိုင်းနိုင်ငံဟာ တရားမ၀င်ဘဲ ပုံမှန်မဟုတ်တဲ့နည်းလမ်းတွေနဲ့ ငါးဖမ်းမှုတိုက်ဖျက်ရေးကို အကောင်းဆုံးလုပ်ဆောင်ခဲ့ပြီး ရေရှည်တည် တံ့တဲ့ငါးဖမ်းလုပ်ငန်းတိုးတက်ရေးအတွက် အာမခံတယ်လို့ ထိုင်းဒုတိယ၀န်ကြီးချုပ်က ပြောပါတယ်။

 

 

Related News