ထိုင်းနိုင်ငံမှာ ယာဉ်ကြော ပိတ်ဆို့မှုလျော့ကျရေးအတွက် စင်တာသစ်(၁)ခု တည်ဆောက် သွားမှာဖြစ်ပြီး ယာဉ်ကြောထိန်းသိမ်းရေးလုပ်ငန်းစဉ်တွေလုပ် ဆောင်သွားမှာဖြစ်ပါတယ်။ထိုင်းနိုင်ငံဘန်ကောက်မြို့နဲ့ အနီးအနားကခရိုင်တွေမှာ ယာဉ်ကြောပိတ်ဆို့မှုတွေ လျော့ကျစေရေးအတွက် ယာဉ်ကြောထိန်း သိမ်းရေးအေဂျင်စီတွေအားလုံးနဲ့ အဝေးပြေးခရီးသွား အာဏာပိုင်တွေ ဘန်ကောက်ရေနုတ်မြောင်းရေဆိုးသန့်စင်ရေးဌာနတွေနဲ့ ပူးပေါင်းပြီးယာဉ်ကြော ပိတ်ဆို့မှုတွေ လျော့ကျစေရေးအတွက် ယာဉ်ကြောထိန်းသိမ်းရေး စင်တာသစ်(၁)ခုတည် ဆောက်သွားမှာ ဖြစ်တယ်လို့ ထိုင်းရဲတပ်ဖွဲ့ကမေလ(၁၈)ရက်မှာ ကြေညာခဲ့ပါတယ်။

မေလ(၂၁)ရက်ကစပြီး ထိုင်းနိုင်ငံရဲ့ အဓိကလမ်းမကြီးတွေ ပေါ် ယာဉ်အသွားအလာများတဲ့ အချိန်တွေမှာ ယာဉ်အသွားအလာတွေကို အကဲဖြတ်ဖို့အေဂျင်စီတွေနဲ့ပူးပေါင်းလုပ်ဆောင်သွား မှာဖြစ်ပါတယ်။ ယာဉ်ကြောပိတ်ဆို့မှုလျော့ကျစေရေးအတွက် စင်တာသစ်ရဲ့အောက်မှာ ကင်မရာ(၃၀၀၀) တပ်ဆင်ထားပြီး မတူညီတဲ့အေဂျင်စီတွေနဲ့လုပ်ဆောင်သွားမှာဖြစ်တယ်လို့ ထိုင်းရဲတပ်ဖွဲ့ရဲ့ ဒုတိယဗိုလ်ချုပ်ကြီး ကရာဘွန်စွာစောင်ကပြော ပါတယ်။

ယာဉ်ကြောထိန်းသိမ်းရေး စင်တာသစ်ကယာဉ်ကြောထိန်းသိမ်ရေးစည်းကမ်းတွေနဲ့ တင်းတင်းကျပ်ကျပ်လုပ်ဆောင်နိုင်ဖို့ စီမံနေတယ်လို့လည်းပြောခဲ့ပါတယ်။ ယာဉ်ကြောပြောင်းလဲရေး ကင်မရာစနစ်ကို ယာဉ်ထိန်းရဲတွေက စတင်အသုံးပြုခဲ့ပြီးတခြား နည်းလမ်းတွေနဲ့ နည်းပညာ သစ်တွေကိုလည်း စင်တာသစ်က အကောင်အထည်ဖော်မှာ ဖြစ်တယ်လို့လည်း  ကရာဘွန်စွာစောင် ကပြောခဲ့ပါတယ်။ 

 

 

Related News