ဂျော်ဒန်နိုင်ငံမှာ အစိုးရဆန့်ကျင်ရေးဆန္ဒပြမှုတွေ ဇွန်လ(၆)ရက်ညပိုင်းအထိ ဆက်ဖြစ်နေပါတယ်။ အကောက်ခွန်ဥပဒေပြင်ဆင် ဖို့နဲ့ ဂျော်ဒန်အစိုးရရဲ့ချွေတာရေးအစီအစဉ်တွေကို ဆန့်ကျင်ဆန္ဒပြပြီး နောက်တစ်နေ့မှာ ထပ်ဖြစ်နေတာပါ။ ဂျော်ဒန်ရဲ့နိုင်ငံရေးနဲ့ စီးပွားရေးစနစ်တွေမှာ အကျင့်ပျက်ခြစားမှုတွေနဲ့ လက်သင့်ရာစားတော်ခေါ်တာမျိုးတွေရှိနေတယ်လို့ ဂျော်ဒန်နိုင်ငံသားတွေက ဝေဖန်နေကြပါတယ်။

အခုဖြစ်ရပ်တွေကြောင့် ၀န်ကြီးချုပ်ဟာနီမူကီကို ဂျော်ဒန်ဘုရင်က ရာထူးကနေထုတ်ပယ်ခဲ့ပါတယ်။ ၀န် ကြီးချုပ်ရာထူးကနေ ထုတ်ပယ်ခံခဲ့ရပေမဲ့ ဒါဟာ ဆန္ဒပြသူတွေရဲ့လိုလားချက်တွေထဲက (၁၀)ရာခိုင်နှုန်းလောက်ပဲရှိနေပြီး ဂျော် ဒန်နိုင်ငံသားတွေရဲ့လိုလားချက်တွေမရမချင်း ဆန္ဒဆက်ပြနေဦးမယ်လို့ ဆန္ဒပြသူ(၁)ဦးကပြောပါတယ်။ အစောပိုင်းဆန္ဒပြမှုတွေ မှာ လူ(၅)သိန်းကျော်လောက်သာမက တတ်သိပညာရှင်တွေလည်းပါဝင်နေပါတယ်။ 

အခွန်ဥပဒေသစ်က လူဆင်းရဲတွေအတွက် အခွန်တွေအပိုများလာနိုင်ပြီး လူလတ်တန်းစားတွေအနေနဲ့လည်း ထိခိုက်မှုတွေများလာနိုင်တာကြောင့် ဂျော်ဒန်နိုင်ငံသားတွေက အဲဒီဥပဒေကို ပြင်ဆင်လိုကြတာပါ။ ဆန္ဒပြတာတွေရပ်ဆိုင်းသွားဖို့ ပြုပြင်ပြောင်းလဲရေးလိုလားသူအိုမာ ရာဇတ်ကို ၀န်ကြီးချုပ်အ ဖြစ် ဂျော်ဒန်ဘုရင်ကခန့်အပ်ခဲ့ပါတယ်။ အခုဆန္ဒပြမှုတွေက ပြီးခဲ့တဲ့နှစ်တွေထဲမှာ ဂျော်ဒန်နိုင်ငံရဲ့ အကြီးဆုံးဆန္ဒပြပွဲတွေ ဖြစ်ပါ တယ်။

 

 

 

 

Related News