ကမ္ဘာ့အဆင်းရဲဆုံးနိုင်ငံတွေက အမျိုးသမီးတွေရဲ့ပညာရေးအတွက် ရန်ပုံငွေအနေနဲ့ အမေရိကန်ဒေါ်လာသန်း(၂၉၀၀)ကို (G-7) အဖွဲ့ဝင်နိုင်ငံတွေရဲ့အကူအညီနဲ့ထားရှိသွားမယ်လို့ ကနေဒါနိုင်ငံကပြောပါတယ်။ ကမ္ဘာတ၀န်းကနိုင်ငံတွေမှာ တန်းတူပညာသင် ခွင့်ရရေးနဲ့ လေ့လာသင်ကြားနိုင်ဖို့ အခွင့်အလမ်းတွေအတွက် အဲဒီငွေတွေနဲ့ အကူအညီပေးသွားမယ်လို့ ကနေဒါအစိုးရကသ တင်းထုတ်ပြန်ပါတယ်။

ဂျာမနီ၊ ဂျပန်၊ ဗြိတိန်၊ ဥရောပသမဂ္ဂ(အီးယူ)နဲ့ ကမ္ဘာ့ဘဏ်တို့ကပါ အဲဒီရန်ပုံငွေမှာပါဝင်မယ်လို့ ကတိပြု ခဲ့တာကြောင့် စနေနေ့မှာမှ အဲဒီထုတ်ပြန်ချက်ကို ထုတ်နိုင်ခဲ့တာပါ။ ဘေးဒုက္ခကြုံနေရတဲ့နေရာတွေနဲ့ ပဋိပက္ခနယ်မြေတွေကအ မျိုးသမီးတွေရဲ့ပညာရေးကဏ္ဍမှာ အခုရန်ပုံငွေက အကြီးဆုံးရင်းနှီးမြှုပ်နှံမှုဖြစ်လာလိမ့်မယ်အပြင် ကလေးငယ်တွေနဲ့ဆယ်ကျော် သက်တွေ စုစုပေါင်း(၈)သန်းလောက် ပညာတတ်တွေဖြစ်လာနိုင်တယ်လို့ ခန့်မှန်းထားပါတယ်။

ရန်ပုံငွေအဖြစ် ကနေဒါနိုင်ငံက တစ်နှစ်မှာ အမေရိကန်ဒေါ်လာသန်း(၃၁၀)ကို (၃)နှစ်ပေးသွားမှာဖြစ်ပြီး ဗြိတိန်နိုင်ငံက အမေရိကန်ဒေါ်လာသန်း(၂၅၀)ပေး သွားမယ့်အပြင် ကမ္ဘာ့ဘဏ်ကတော့ (၅)နှစ်အတွင်း အမေရိကန်ဒေါ်လာသန်း(၂)ထောင်ပေးသွားမယ်လို့ပြောထားပါတယ်။ ကမ္ဘာအနှံက ပဋိပက္ခနယ်မြေ(၃၅)ခုမှာ ပညာမသင်ကြားနိုင်တဲ့ ကလေးငယ်(၇၅)ရာခိုင်နှုန်းရှိနေပြီး အများစုက အမျိုးသမီးတွေ ဖြစ်တယ်လို့ ကုလသမဂ္ဂကလေးများရန်ပုံငွေအဖွဲ့(ယူနီဆက်ဖ်)ရဲ့စာရင်းအရသိရပါတယ်။

အဲဒီဒေသတွေက မိန်းကလေးတွေဟာ ယောက်ကျားလေးတွေထက် ကျောင်းမတက်နိုင်ချေ(၂)ဆခွဲလောက်ရှိနေပါတယ်။

 

 

Related News