ဇူလိုင်လ(၉)ရက်မှာ တူရကီသမ္မတသက်တမ်းနောက်တစ်ဆက်အတွက် သမ္မတအာဒိုဝမ်က ကျမ်းကျိန်ခဲ့ပြီး အစိုးရအဖွဲ့ကို ခန့်အပ်ဖွဲ့စည်းခဲ့ရာမှာတော့ သူ့ရဲ့သားမက်ဖြစ်သူပါဝင်နေပါတယ်။ 
တူရကီနိုင်ငံရဲ့ဘဏ္ဍာရေးဝန်ကြီးသစ်အဖြစ် သူ့ရဲ့သားမက်ဖြစ်သူဘီရတ် အယ်လ်ဘေးရတ်ကို တူရကီသမ္မတရီစက်ပ် တိုင်ရစ် အာဒိုဝမ်ကခန့်အပ်ခဲ့ပါတယ်။ နောက်ထပ်သမ္မတသက်တမ်း(၅)နှစ်စာအတွက် ဇူလိုင်လ(၉)ရက်မှာ သမ္မတအာဒိုဝမ်ကကျမ်း ကျိန်ခဲ့ပြီးနောက် အစိုးရအဖွဲ့ဝင်ဝန်ကြီးတွေကို ခန့်အပ်ခဲ့တာပါ။

အယ်လ်ဘေးရတ်ဟာ (၂၀၁၅)ခုနှစ်ကတည်းက တူရကီစွမ်းအင် ၀န်ကြီးအဖြစ်တာဝန်ထမ်းဆောင်နေတာပါ။ တူရကီစစ်ဦးစီးချုပ်ဗိုလ်ချုပ်ကြီးဟူလူစီ အက်ကာက ကာကွယ်ရေးဝန်ကြီးသစ်အဖြစ် တာဝန်ထမ်းဆောင်သွားမှာဖြစ်ပြီး နိုင်ငံရေးခြားရေးဝန်ကြီးအဖြစ် မက်ဗလွတ် ကာဗူဆိုဂလူကပဲဆက်ပြီးတာဝန်ယူသွားမှာပါ။  ပြီးခဲ့တဲ့လမှာကျင်းပခဲ့တဲ့တူရကီရွေးကောက်ပွဲမှာအနိုင်ရခဲ့တဲ့သမ္မတအာဒိုဝမ်က နိုင်ငံထပ်ပြီးဖွံ့ဖြိုးတိုးတက်ဖို့ ဦးဆောင်သွားမယ် လို့ကျမ်းကျိန်စဉ်မှာပြောခဲ့ပါတယ်။ ဒါပေမဲ့ သမ္မတမှာအာဏာအပြည့်အ၀ရှိနေတာဟာ တူရကီနိုင်ငံရဲ့ဒီမိုကရေစီစနစ်ကို ထိခိုက် စေလိမ့်မယ့်လို့ တူရကီအတိုက်အခံတွေကပြောနေကြပါတယ်။ ပြီးခဲ့တဲ့(၂၀၁၇)ခုနှစ်မှာလူထုဆန္ဒခံယူပြီး ထောက်ခံမဲ(၅၁)ရာခိုင် နှုန်းရတာကြောင့် ပြင်ဆင်ထားတဲ့တူရကီအခြေခံဥပဒေအရ ဒုတိယသမ္မတတွေနဲ့ ၀န်ကြီးတွေလိုအစိုးရအဖွဲ့ဝင်တွေကို သမ္မတက တိုက်ရိုက်ခန့်ထားခွင့်ရှိပြီး တရားရေးစနစ်မှာလည်း ကြားဝင်ခွင့်ရှိသလို အရေးပေါ်အခြေအနေကြေညာခွင့်လည်းရှိပါတယ်။ အဲဒီ ဥပဒေအရ ၀န်ကြီးချုပ်နေရာကိုလည်း ဖျက်သိမ်းထားပါတယ်။

 

 

 

Related News