ဇူလိုင်လ(၉)ရက်က အိန္ဒိယနိုင်ငံမှာကျင်းပတဲ့ ဆမ်ဆောင်းအီလက်ထရောနစ်ကုမ္ပဏီရဲ့ စက်ရုံသစ်တည်ဆောက်ပြီးစီးတဲ့အခမ်း အနားကို အိန္ဒိယနိုင်ငံကိုရောက်နေတဲ့ တောင်ကိုရီးယားသမ္မတမွန်ဂျဲအင်တက်ရောက်ခဲ့ပါတယ်။ ဆမ်ဆောင်းအီလက်ထရောနစ် ကုမ္ပဏီဒုတိယဥက္ကဋ္ဌလီဂျဲယောင်နဲ့လည်း သမ္မတမွန်းကတွေ့ဆုံခဲ့ပါတယ်။ အဲဒီအခမ်းအနားကို အိန္ဒိယ၀န်ကြီးချုပ်နာရန်ဒါ မိုဒီ လည်းတက်ရောက်ခဲ့ပါတယ်။

အခုဖွင့်လှစ်လိုက်တဲ့စက်ရုံသစ်က အိန္ဒိယနိုင်ငံရဲ့အကြီးဆုံးစမတ်ဖုန်းစက်ရုံဖြစ်ပြီး အမေရိကန် ဒေါ်လာသန်း(၆၅၀)ရင်းနှီးမြုပ်နှံထားပါတယ်။ တရုတ်ဖုန်းကုမ္ပဏီတွေနဲ့ဆမ်ဆောင်းတို့ကြား အိန္ဒိယနိုင်ငံမှာ ဈေးကွက်ပြိုင်ဆိုင်မှု ပြင်းထန်နေပြီး ဆမ်ဆောင်းကဈေးကွက်ဝေစုနည်းလာတဲ့အတွက် ဆမ်ဆောင်းကိုအားပေးတဲ့အနေနဲ့ သမ္မတမွန်းက ပွဲတက်တာ ဖြစ်နိုင်တယ်လို့ သုံးသပ်တာတွေရှိနေပါတယ်။ တောင်ကိုရီးယားနိုင်ငံမှာ ရင်းနှီးမြုပ်နှံမှုတွေတိုးလုပ်ဖို့နဲ့ အလုပ်အကိုင်အခွင့်အ လမ်းတွေပိုပြီးဖန်တီးပေးဖို့ သမ္မတမွန်းကတောင်းဆိုခဲ့ပြီး လီဂျဲယောင်ကလက်ခံခဲ့ပါတယ်။

 

 

 

Related News