အီရန်နဲ့လုပ်ငန်းတွဲလုပ်နေကြတဲ့ အီးယူနိုင်ငံတွေကစီးပွားရေးလုပ်ငန်းတွေနစ်နာနိုင်တာကြောင့် ပိတ်ဆို့မှုတွေကိုဖြေလျှော့ပေးဖို့ အီးယူဘက်ကပန်ကြားခဲ့ပေမဲ့ အမေရိကန်ကတော့ ငြင်းဆိုခဲ့ပါတယ်။  အီရန်ကိုပိတ်ဆို့မှုတွေမှာ ဥရောပကုမ္ပဏီတွေကိုဖယ်ရှားပေးဖို့ ဥရောပသမဂ္ဂ(အီးယူ)ရဲ့အဆင့်မြင့်ပန်ကြားချက်ကို အမေရိကန် ဘက်က ငြင်းဆိုလိုက်ပါတယ်။ အီရန်နိုင်ငံကို ဖိအားအမြင့်ဆုံးပေးလိုတဲ့အတွက် အီးယူရဲ့ပန်ကြားချက်ကိုငြင်းဆိုခဲ့တာလို့ အီးယူ အဖွဲ့ကိုပေးပို့တဲ့ အမေရိကန်နိုင်ငံခြားရေးဝန်ကြီးမိုက် ပွန်ပီယိုရဲ့စာမှာပါဝင်ပါတယ်။ အမေရိကန်နိုင်ငံရဲ့အမျိုးသားလုံခြုံရေးကို အ ကျိုးရှိစေမယ့် ကိစ္စရပ်တချို့ကိုပဲ ချွင်းချက်ထားသွားမယ်လို့သိရပါတယ်။

အမေရိကန်ရဲ့ပိတ်ဆို့မှုသစ်တွေကြောင့် အီးယူအဖွဲ့ဝင် နိုင်ငံတွေမှာ အမေရိကန်ဒေါ်လာသန်းထောင်ချီနစ်နာသွားနိုင်တယ်လို့ အီးယူဘက်ကယူဆနေပါတယ်။ အီရန်က ရေနံတင်ပို့နေ တဲ့အများဆုံးနိုင်ငံကတရုတ်နိုင်ငံဖြစ်ပြီး ဒုတိယမှာ အီးယူရှိနေပါတယ်။ အခုနှစ်မေလမှာ အီရန်နျူကလီးယားရပ်စဲရေးသဘော တူစာချုပ်(JCPOA)ကနေ အမေရိကန်နှုတ်ထွက်မယ်လို့ သမ္မတဒေါ်နယ်ထရမ့်ကကြေညာခဲ့ပြီးနောက် အီရန်ကို အမေရိကန်က ပိတ်ဆို့မှုတွေပြန်လုပ်ခဲ့ပါတယ်။

ပြီးခဲ့တဲ့(၂၀၁၇)ခုနှစ်မှာ အီးယူနဲ့အီရန်နိုင်ငံကြား ကုန်သွယ်မှုတန်ဖိုးက ယူရိုငွေ(၁၉.၆)ဘီလီယံ ရှိခဲ့ပါတယ်။ အီရန်နဲ့စီးပွားရေးဆက်လုပ်နေရင် အမေရိကန်နဲ့သူတို့ရဲ့ဆက်ဆံရေးထိခိုက်လာနိုင်တယ်လို့ အီးယူနိုင်ငံတွေမှာရှိတဲ့ စီးပွားရေးလုပ်ငန်းတွေကစိုးရိမ်နေကြပါတယ်။ ဒါပေမဲ့ လာမယ့်သြဂုတ်လ(၆)ရက်မှာစတင်မယ့် အမေရိကန်ရဲ့ပိတ်ဆို့မှုတွေမ တိုင်ခင် အီးယူနိုင်ငံတွေနဲ့ အီရန်စီးပွားရေးလုပ်ငန်းတွေဆက်လုပ်နိုင်မယ့်ဥပဒေပြဋ္ဌာန်းသွားမယ်လို့ အခုနှစ်မေလမှာ အီးယူဘက် ကထုတ်ပြန်ခဲ့ပါတယ်။

 

 

Related News