ယီမင်နိုင်ငံအနောက်မြောက်ပိုင်း၊ ဆာဒါပြည်နယ်မှာ ဆော်ဒီဦးဆောင်တဲ့ညွှန့်ပေါင်းတပ်ဖွဲ့ရဲ့ လေကြောင်းတိုက်ခိုက်မှုက ကျောင်း သားငယ်တွေပါလာတဲ့ဘတ်စ်ကား(၁)စီးကိုထိမှန်ခဲ့တာကြောင့် ကလေးငယ်တွေအများစုပါဝင်တဲ့အနည်းဆုံးလူ(၄၅)ဦးသေဆုံးခဲ့ ပြီး နောက်ထပ်လူ(၄၇)ဦးဒဏ်ရာရခဲ့ပါတယ်။

ယီမင်ခွဲထွက်ရေးသမားတွေခြေကုတ်ယူထားတဲ့နေရာတွေမှာ သြဂုတ်လ(၉)ရက် က လေကြောင်းတိုက်ခိုက်မှုတွေဖြစ်ခဲ့တယ်လို့ ယီမင်မီဒီယာတွေကဖော်ပြပါတယ်။ အဲဒီတိုက်ခိုက်မှုတွေက စစ်ရာဇ၀တ်မှုတွေ ဖြစ်တယ်လို့ ယီမင်ခွဲထွက်ရေးသမားတွေပိုင်တဲ့ရုပ်သံဌာနကဖော်ပြခဲ့ပါတယ်။ တိုက်ခိုက်မှုတွေပြုလုပ်ခဲ့တယ်လို့ ညွှန့်ပေါင်းတပ်ဖွဲ့ တွေက၀န်ခံခဲ့ပေမဲ့ ခွဲထွက်ရေးသမားတွေကိုပဲ ပစ်မှတ်ထားခဲ့တာလို့ပြောခဲ့ပြီး ခွဲထွက်ရေးအဖွဲ့တွေကပဲ အရပ်သားတွေကိုပစ် မှတ်ထားတိုက်ခိုက်ခဲ့တယ်လို့ ညွှန့်ပေါင်းတပ်ဖွဲ့တွေက စွပ်စွဲခဲ့ပါတယ်။

အခုဖြစ်ရပ်နဲ့ပတ်သက်ပြီး စုံစမ်းမှုတွေပြုလုပ်ပေးဖို့ ကုလ သမဂ္ဂအထွေထွေအတွင်းရေးမှူးချုပ်အန်ထော်ညော် ဂူတားစ်ကတိုက်တွန်းနေပါတယ်။ (၂၀၁၅)ခုနှစ်မှာစတင်ခဲ့ပြီး ဆော်ဒီဦး ဆောင်တဲ့ညွှန့်ပေါင်းတပ်ဖွဲ့တွေထောက်ပံ့ပေးထားတဲ့ယီမင်အစိုးရတပ်ဖွဲ့တွေနဲ့ အီရန်ထောက်ပံ့ပေးနေတဲ့ဟူသီခွဲထွက်ရေးသမား တွေကြားဖြစ်ပွားနေတဲ့ယီမင်ပြည်တွင်းစစ်ပွဲဟာ ပြီးခဲ့တဲ့ဇူလိုင်လကုန်ပိုင်းမှာ အရှိန်ပြန်ပြီးမြင့်တက်လာပါတယ်။ တိုက်ပွဲတွေ ကြောင့် ယီမင်အရပ်သားတွေနဲ့ လူသားချင်းစာနာထောက်ထားမှုဆိုင်ရာအကူအညီပေးရေးလုပ်သားတွေပါ သေဆုံးခဲ့ပါတယ်။ ပြီး ခဲ့တဲ့တစ်ပတ်ကလည်း ခွဲထွက်ရေးသမားတွေထိန်းချုပ်ထားတဲ့နေရာမှာရှိတဲ့ ဆေးရုံ(၁)ရုံနဲ့ငါးဈေး(၁)ခုအတိုက်ခိုက်ခံခဲ့ရတာကြောင့် အရပ်သား(၅၅)ဦးသေဆုံးခဲ့ပါတယ်။

 

 

Related News