ကာရိုလိုင်းနားပြည်နယ်ရဲ့ ပြီးခဲ့တဲ့ဆယ်စုနှစ်(၃)ခုအတွင်း အားအပြင်းဆုံးမုန်တိုင်းဖြစ်တဲ့ ဖလောရင့်စ်ဝင်ရောက်ဖို့ နီးကပ်နေတဲ့အတွက် ပြည်နယ်အာဏာပိုင်တွေက သတိပေးချက်ထုတ်ပြန်ထားပါတယ်။အမေရိကန်နိုင်ငံ၊ “ကာရိုလိုင်းနား”ပြည်နယ်အတွက် ဆယ်စုနှစ်(၃)ခုနီးပါးအတွင်း အင်အားအပြင်းဆုံးဖြစ်တဲ့ ဟာရီကိန်းမုန်တိုင်း “ဖလောရင့်စ်”ကပိုပြီး အားကောင်းလာနိုင်တယ်လို့ ခန့်မှန်းနေကြပါတယ်။ အမေရိကန်အရှေ့ဘက်ပင်လယ်ကမ်းခြေကို ဖလော ရင့်စ်ဦးတည်နေချိန်မှာ လာမယ့်(၂)ရက်အတွင်း ရေတက်လာတာကြောင့် အသက်အန္တရာယ်ရှိလာနိုင်တယ်လို့ ပြည်နယ်အာဏာ ပိုင်တွေက သတိပေးနေကြပါတယ်။

ဖလောရင့်စ်ကို မုန်တိုင်းအဆင့်သတ်မှတ်ချက်(၄)အဖြစ်နဲ့ သတ်မှတ်ထားပြီး လေတိုက်နှုန်း တစ်နာရီကို မိုင်(၁၄၀)ပတ်ဝန်းကျင်ရှိနေပါတယ်။ စက်တင်ဘာလ(၁၃)ရက်မှာ ဖလောရင့်စ်က ကာရိုလိုင်းနားပြည်နယ်မြောက် ပိုင်းမှာရှိတဲ့ “၀ယ်မင်တန်”ဆိပ်ကမ်းမြို့ကို ၀င်ရောက်ဖွယ်ရှိနေတယ်လို့ ခန့်မှန်းနေကြပါတယ်။ “ဗာဂျီးနီးယား”၊ “မေရီလန်း”၊ “တောင်ကာရိုလိုင်းနား”၊ “မြောက်ကာရိုလိုင်းနား”စတဲ့ပြည်နယ်တွေနဲ့ “၀ါရှင်တန်ဒီစီ”တို့မှာ အရေးပေါ်အခြေအနေကြေညာ ထားပြီး ဖလော့ရင့်စ်က မြောက်ကာရိုလိုင်းနားပြည်နယ်က “ဖီးယား”အငူရဲ့အရှေ့တောင်ဘက် မိုင်(၆၇၀)အကွာမှာရှိနေတယ်လို့ အမေရိကန်အမျိုးသားဟာရီကိန်းစင်တာက စက်တင်ဘာလ(၁၁)ရက်ညပိုင်းမှာ ထုတ်ပြန်ထားပါတယ်။ အနောက်မြောက်ဘက် ကိုဦးတည်နေတဲ့ဖလောရင့်စ်က တစ်နာရီကို (၁၇)မိုင်နှုန်းနဲ့ရွေ့လျားနေပြီး စက်တင်ဘာ(၁၁)ရက်ညပိုင်းနဲ့ (၁၂)ရက်တို့မှာ ပိုပြီး အားကောင်းလာနိုင်တယ်လို့ ခန့်မှန်းထားပါတယ်။

 

 

Related News