အရှေ့တောင်အာရှနိုင်ငံတွေရဲ့ပြဿနာတွေကို ဒေသတွင်းနိုင်ငံတွေကိုပဲဖြေရှင်း ခွင့်ပြုဖို့ ကမ္ဘောဒီးယား ၀န်ကြီးချုပ်“ဟန်ဆန်”က ပြောပါတယ်။အင်ဒိုချိုင်းနားဒေသအပြင်ဘက်နိုင်ငံတွေက ဒေသတွင်းနိုင်ငံရေးအခြေအနေတွေကို အပြစ်ရှာဝေဖန်နေကြပြီး အရှေ့တောင် အာရှနိုင်ငံတွေက သူတို့ရဲ့ပြဿနာတွေကို သူတို့ကိုယ်တိုင်ဖြေရှင်းနိုင်အောင် လွှတ်ထားပေးသင့်တယ်လို့ ကမ္ဘောဒီးယားဝန်ကြီး ချုပ်“ဟန်ဆန်”ကပြောပါတယ်။ ဗီယက်နမ်နိုင်ငံမြို့တော်“ဟနွိုင်း”မှာ စက်တင်ဘာလ(၁၂)ရက်ကကျင်းပခဲ့တဲ့ ကမ္ဘာ့စီးပွားရေး ဖိုရမ်မှာ ပြောခဲ့တာပါ။ အာဆီယံနိုင်ငံတွေကို ဒေသအပြင်ဘက်နိုင်ငံတွေက ဖိနှိပ်ထားပြီး ဘာလုပ်ရမယ် ဆိုတာကို ညွှန်ကြားနေ ကြတယ်လို့ ဟန်ဆန်ကပြောပါတယ်။ ဒီအရေးနဲ့ပတ်သက်ပြီး နိုင်ငံတစ်နိုင်ငံကို ဦးတည်ပြောနေတာမဟုတ်ဘဲ မဲခေါင်မြစ်ဝှမ်း နိုင်ငံတွေက နိုင်ငံရေးသားကောင်ဖြစ်နေတာလို့ ပြောလိုတာလို့လည်း ပြောပါတယ်။

အာဆီယံအကြောင်း မသိတဲ့နိုင်ငံတွေအနေနဲ့ အာဆီယံနိုင်ငံတွေရဲ့ပြဿနာကို အာဆီယံနိုင်ငံတွေကိုသာ ဖြေရှင်းခွင့်ပေးသင့်တယ်လို့လည်း ဟန်ဆန်ကပြောပါတယ်။ ပြီးခဲ့ တဲ့သြဂုတ်လမှာ ကျင်းပခဲ့ပြီး အဓိကအတိုက်အခံပါတီတွေ မပါခဲ့တဲ့ ကမ္ဘောဒီးယားရွေးကောက်ပွဲမှာ ဟန်ဆန်ရဲ့(CPP)ပါတီက အမတ်နေရာအားလုံးကိုအနိုင်ရခဲ့တာကြောင့် အဲဒီရွေးကောက်ပွဲဟာ လွတ်လပ်မျှတတဲ့ရွေးကောက်ပွဲမဟုတ်ဘူးလို့ နိုင်ငံတကာ ဝေဖန်နေပါတယ်။ အဲဒီရွေးကောက်ပွဲမှာ အနိုင်ရခဲ့တာကြောင့် ဟန်ဆန်က ၀န်ကြီးချုပ်သက်တမ်းနောက်တစ်ဆက်တာဝန်ထမ်း ဆောင်ရမှာဖြစ်ပြီး ဟန်ဆန်ဟာ ၀န်ကြီးချုပ်အဖြစ် (၃၃)နှစ်ဆက်တိုက်တာဝန်ယူခဲ့ပါတယ်။ 

 

 

 

Related News