မြောက်ကိုရီးယားနိုင်ငံက  ပိတ်ဆို့မှုတွေကိုချိုးဖောက်တယ်လို့ အငြင်းပွားနေပေမဲ့ ကိုရီးယား(၂)နိုင်ငံပူးပေါင်းဆောင်ရွက်ရေးရုံး ကို စက်တင်ဘာလ(၁၄)ရက်မှာဖွင့်လှစ်မှာဖြစ်ပါတယ်။ အဲဒီရုံးကို တောင်ကိုရီးယားပေါင်းစည်းရေးဒုတိယ၀န်ကြီး“ချန်ဟဲဆောင်” နဲ့ မြောက်ကိုရီးယားငြိမ်းချမ်းစွာပြန်လည်ပေါင်းစည်းရေးကော်မတီဒုတိယဥက္ကဋ္ဌတို့က ပူးတွဲစီမံခန့်ခွဲသွားမှာပါ။ ရုံးဖွင့်ပြီးတာနဲ့ နှစ် နိုင်ငံပူးပေါင်းဆောင်ရွက်ရေးလုပ်ငန်းတွေစပြီးဆောင်ရွက်မှာပါ။ နှစ်နိုင်ငံပူးပေါင်းဆောင်ရွက်ရေးအပြင် လူပုဂ္ဂိုလ်ချင်းအပြန်အ လှန်စီးပွာရေးဆောင်ရွက်တာနဲ့ (၂)နိုင်ငံကြားသွားလာရေးအတွက်လည်း စီစဉ်ပေးမယ်လို့သိရပါတယ်။

အဲဒီရုံးခေါင်းဆောင်တွေ က တစ်ပတ်တစ်ကြိမ်ပုံမှန်အစည်းအဝေးလုပ်ဖို့နဲ့ တိုက်ရိုက်ဖုန်းလိုင်းတစ်ခုထားရှိဖို့လည်း သဘောတူခဲ့ပါတယ်။ နှစ်နိုင်ငံခေါင်း ဆောင်တွေကြား လိုအပ်တဲ့သတင်းအချက်အလက်တွေကိုလည်း အဲဒီရုံးက ပို့ဆောင်ပေးမှာပါ။ နှစ်နိုင်ငံဆက်ဆံရေးပိုတိုးတက် လာရင် ဆိုးလ်နဲ့ပြုံယမ်းမြို့တို့မှာ ကိုယ်စားလှယ်ရုံးတွေဖွင့်လှစ်သွားဖို့စီစဉ်နေတယ်လို့လည်း တောင်ကိုရီးယားပေါင်းစည်းရေးဝန် ကြီးဌာနကပြောပါတယ်။

 

 

 

Related News