“(၂၀၁၈)ခုနှစ်တွင် ကင်ဆာရောဂါကြောင့် သေဆုံးသူ(၉.၆)သန်းအထိရှိနိုင်” ကမ္ဘာလုံးဆိုင်ရာကင်ဆာရောဂါဖြစ်ပွားမှုအတွက် နောက်ဆုံးရအကြမ်းဖျင်းတွက်ချက်မှုတွေအရ အခု(၂၀၁၈)ခုနှစ်မှာ ကင်ဆာ ရောဂါဖြစ်ပွားတဲ့ဖြစ်ရပ်သစ်ပေါင်း(၁၈.၁)သန်းနဲ့ ကင်ဆာရောဂါဖြစ်ပွားမှုကြောင့်သေဆုံးသူ(၉.၆)သန်းအထိရှိနိုင်တယ်လို့ နိုင်ငံ တကာကင်ဆာရောဂါသုတေသနအေဂျင်စီ(IARC)က စက်တင်ဘာလ(၁၂)ရက်မှာထုတ်ပြန်ခဲ့ပါတယ်။ ကမ္ဘာတစ်ဝန်းကအမျိုးသား(၂၀)ရာခိုင်နှုန်းနဲ့ အမျိုးသမီး(၁၆.၇)ရာခိုင်နှုန်းဟာ ကင်ဆာရောဂါဖြစ်ပွားနေပြီး အမျိုးသား(၁၂.၅)ရာခိုင်နှုန်းနဲ့ အမျိုးသမီး (၉)ရာခိုင်နှုန်းကတော့ ကင်ဆာရောဂါကြောင့်သေဆုံးနေတယ်လို့သိရပါတယ်။

ကမ္ဘာနိုင်ငံပေါင်း(၁၈၅)နိုင်ငံမှာ ကင်ဆာ ရာဂါ အမျိုးအစားပေါင်း(၃၆)မျိုးအတွက် ရောဂါဖြစ်ပွားမှုနဲ့ သေဆုံးမှုတွေကိုအကြမ်းဖျင်းသတ်မှတ်ထားပြီး ဖြစ်ပွားရာနေရာတွေ အား လုံးကိုတော့ ပေါင်းစပ်ထားတယ်လို့ (IRAC)ရဲ့ကမ္ဘာလုံးဆိုင်ရာကင်ဆာရောဂါစောင့်ကြည့်မှုတွေအရသိရပါတယ်။ ကင်ဆာရော ဂါဖြစ်တဲ့နှုန်းမြင့်တက်လာတာက လူဦးရေတိုးလာတာ၊ အသက်အရွယ်ကြီးလာတာနဲ့ လူမှုရေးနဲ့စီးပွားရေးတိုးတက်လာတာတို့ နဲ့ဆက်စပ်နေတာတွေကြောင့်ဖြစ်တယ်လို့ (IARC)ဘက်ကပြောပါတယ်။

 

 

 

Related News