မလေးရှားမြို့ပြဖွံ့ဖြိုးရေးရန်ပုံငွေ(1MDB)တွေကို ၀န်ကြီးချုပ်ဟောင်း“နာဂျစ်ရာဇတ်”က သူ့ကိုယ်ပိုင်ဘဏ်အကောင့်ထဲကို လွှဲပြောင်းခဲ့တယ်လို့ယူဆရတာကြောင့် မလေးရှားခြစားမှုတိုက်ဖျက်ရေးကော်မရှင်က ထိန်းသိမ်းထားပါတယ်။ မလေးရှားဝန်ကြီးချုပ်ဟောင်း“နာဂျစ် ရာဇတ်”ဟာ သူ့ရဲ့ကိုယ်ပိုင်ဘဏ်အကောင့်ထဲကို (1MDB)ကနေ အမေရိကန်ဒေါ်လာ (၆၈၁)သန်းလွှဲပြောင်းခဲ့တယ်လို့ သံသယရှိတဲ့အတွက် ငွေကြေးခ၀ါချမှု(၂၁)မှုနဲ့ စွဲချက်တင်ထားတယ်လို့ စက်တင်ဘာလ(၂၀) ရက်ဒီနေ့မှာ မလေးရှားရဲတပ်ဖွဲ့ကပြောပါတယ်။

အဲဒီအမှုတွေထဲမှာ တရားမ၀င်ငွေလက်ခံမှု(၉)မှု၊ တရားမ၀င်ငွေအသုံးပြုမှု(၅)မှုနဲ့ ငွေလွှဲပြောင်းမှု(၇)မှုတို့ ပါဝင်နေတယ်လို့ မလေးရှားရဲတပ်ဖွဲ့ဒုတိယစုံစမ်းရေးမှူးချုပ်ထုတ်ပြန်ခဲ့တာပါ။ နာဂျစ်ကို တရားရုံးမပို့ခင် ဒီနေ့မနက်ပိုင်းမှာတော့ မလေးရှားစီးပွားရေးဆိုင်ရာရာဇ၀တ်မှုစုံစမ်းရေးဌာနကို ခေါ်သွားခဲ့တယ်လို့ ရဲတပ်ဖွဲ့ကပြောပါတယ်။ (1MDB)ငွေတွေပျောက်ဆုံးနေတာနဲ့ ပတ်သက်လို့ စက်တင်ဘာလ(၁၉)ရက်မှာ မလေးရှားခြစားမှုတိုက်ဖျက်ရေးကော်မရှင် (MACC)ရဲ့နောက်တစ်ကြိမ်စုံစမ်းမှုတွေကြောင့် နာဂျစ်က ဒုတိယအကြိမ်ထိန်းသိမ်းခံခဲ့ရတာပါ။ (၂၀၁၃)ခုနှစ်၊ မလေးရှားရွေး ကောက်ပွဲမတိုင်ခင်မှာ (1MDB)ငွေတွေကို သူ့ဘဏ်အကောင့်ထဲလွှဲဖို့ ကြိုးပမ်းခဲ့တယ်လို့ ယူဆရတာကြောင့်  နာဂျစ်က အခု တစ်ကြိမ်ထိန်းသိမ်းခံခဲ့ရတာဖြစ်ပါတယ်။

 

 

Related News